Penatai W.R.

Nama berita?

Yeahh . . . esok raya! (hehe, meda wayang pagila enti jadi, gaga nganti cerita baru (enti raya)) Ujilah, yeah pagila gawai! Udah bekemas aku lemai tok, ka pulai.

2 hari buku, projek (prototype), enggau report aku kena tinggal. Nama kebuah? Laban WR (Wilson Rangga) datai nemuai ngagai aku kitu, P.R. Datai pagi hari minggu, pulai hari 2 (Baru jak nganjung ia pulai tadi, ngambi bas ba ayer itam)

Datai di B.P lalu madahkah diri lapar. lelak dalam bas ko ia. Ukai lelak nama, tinduk aja dalam bas. Dalam bas, ari B.P ke P.R pan ia uleh tinduk, enti aku ka nutupkah mata pan susah, nyau ka luput ensium macam-macam bau. . . macam-macam ada ko iklan astro.

WR tok, camceng ari matrik suba. Orang Debak, start aku baru masuk kitu, madahkah diri ka nemuai ngagai aku kitu, nyau ka abis ditu, baru ia datai. Mayar duruk kenu ko jaku, selalu aku nemuai ngagai ia ke JB kin. Janji Kenny enggau datai, tang enda jadi, laban tama lab sekumbang cuti raya tok. Bagas U!

Kenny, anang jilis aouk . . . makai besai kami duai Rangga ditok. sekumbang 2 hari ia ditok, sigi makai aja meh kami duai ia. . . . . sigi sama orang kuat ngumpa.

.

.

.

.

.

HABIS, semaya ka napau kah nuan kenny, tang Rangga makai abis. Ukai salah aku, bari ila ko ia. heHeheHe . . . . . .

Pagi siti:

Aku mai Rangga bejalai ke BP mall. kenny, tanya nuan ia, nama utai beli ia. Enda cakap aku meda penyampau baju beli Rangga. Makai naka pengenjang, agik gak ia dapat bejalai 'suping'. Bisi orang enggau kami duai ia. Sapa?

.

.

.

.

.

HahaHahaHa . . . . . . . . Ane.

Ane pan pedis kaki meh bejalai enggau kami duai ia searinya. Nadai enda tama kedai ba BP mall nya ia kah bisi bejual kah baju. Nasib udah kenyang makai neh Ane, enti lapar sangka aku sigi betukar jadi Gaban ane lemai nya.

Nyau ngantuk, susah amat ka bemain intenet. slow amat line, bala kaban main game. Ila aku nusui ensera baru.

SELAMAT RAYA KAWAN-KAWAN KU

CUTI ! !

Nama berita Ujung minggu tok? Arap kah manah . . . .

Start cuti udah saritok, tang kebatang ia kemari endar udah start cuti gak aku. Ari kemari endar nadai agik kelas. Kelas hari 5, semua udah kena batal. Orang berumban ka pulai raya meh nya. Gagit, ngasai kah diri ka gawai gak.


agik ingatkah projek aku ka padah aku nya. Tok lah di gaga kami, utai kena ba stering kereta. Projek rapid prototyping kami. Lama dah ka nembukah tok, mesin gak selalu menawa. Udah manah, meri awak nembiak psm 2 gak dulu, udahnya menawa gak baru. Nasib sarinya udah manah. Last ia, tembu gak projek kami. yeha-yeah-yeah


Projek colourful, hahaha. . . . . . semua kaler dikerindukah aku. Apa boleh buat, aku meli cat. Diatok, benung kiruh kediri-diri ngaga prototype design aku. semua orang udah pulai, nanya pan nadai. Orang kah enda raya pan nadai gak nanya. Lembau gak nanya, laban endar siga udah nemu ari sem nyin kemari bisi projek tok. Relax jak aku, bisi penilaian kediri tok . . . aku uleh komen apa-apa jak pasal ahli group aku kah bisi komitmen atau nadai. kan? Enda Ibuh aku madah kah nama, udah besai. DAAAAA . . . . . . . . .

Ningalkah pasal projek aku:

Meriah amat P.R sekumbang puasa tok. Tiap-tiap malam jalai jam. barang jual enda ibuh sebut, naka pemayuh, aku meli nadai, mina ngau orang ngeruhkah ai bejalai ba bazaar malam sarinya. Orang ka rindu endar bebelikah jeans amat rindu milih ditok. Jeans nya ukai ori, tang 98% baka ori. Bala baju, sida adidas, nike, polo macam bukai agik sepeneka ati meh milih dia. Cop belakang aja enda sama, hehehe. enti peda ari mua, nadai orang nemu nya enda ori. Nya susah ka meli barang ori diatok, takut kena dakal bala sida cina. Rega-rega barang ori, sekali barang ukai ori .. dehhhh . . . . . . .

Lemai kemari aku enggau Ane ke Ayer hitam. Ngiga barang ko ia. Nyau bepusin-pusin leka mata meda pemayuh kerepek. Nyau nadai nemu ka milih. Aku laban kah udah meli ba pasar malam, biskut kayu buruk nyau nadai ati agik gak ka meli. Nya pan nyau bedau abis. Lagi beli mayuh nyau tebasau lagi.

Aku enggau Ane, meli barang kah madi ia ko kawin. Hehehe, madi ia kah ia empu ka kawin? aku pan enda nemu, HAKS!. Rindu amat gak meda barang. Ia ngiga utai endur engkah cincin, nyau ambis kedai endur begiga kah nedur engkah cincin, sekali tetemukah kaler putih tok . . . . Stail melayu kena orang. Boleh tahan peda aku, laban colour putih endar sigi manah kena orang kawin. cehhh . . . . . . parai aku gak nyadi perancang kawin orang lagi.

Mayuh amat tugung bunga. Bala laut pan bendar meh bebelikah bunga. Bisi siko indai tuai orang nyau bebayar rm 5++ mina kena meli bunga. Mayuh amat beli ia, udah lah ditok sigi famous enggau mayuh macam pilihan bunga (enda ko laut) enggau rega murah. Murah ari endur bukai kah temu aku. Enti mak aku meda sigi rindu ia meda tok, laban sigi rindukah bunga. Ila mai ia kitu.

Bala anak patung pan kenya enti ukai ngiga kah bejenama (mayuh agik anak patung ari China). Sigi tau endur meli tok ditu. Sarinya kaban aku meli kah girlfriend ia anak patung nyau ka mesai anak menyadi aku, mina rm9+ aja. kira murah mehnya. Nama ngiga hadiah birthday sigi kia kami ngiga.

Maya malam:

Lemai kemari bisi kaban aku nanya,

"Ka enggau BBQ?,"

Geleng kah aku pala,tanya gak kawan aku REYNOL,

"Aram, enggau orang BBQ,"

Geleng kah aku pala gak, Meda aku enda, Reynol pan enggai. Ukai enggai, tang bisi mehnya nama kebuah. Kadang-kadang nama ka BBQ tok, pandai-pandai gak kitai milih keni gaya. Ukai tak pengaga ati aja. Minta ampun enti bisi lain runding ngagai orang kah rindu amat BBQ tok. Malamnya, urung pukul 12a.m keluar ngirup kami duai Reynol, ngagai kedai mamak. Nyau lapar, laban tumu makai lemainya,(ADUH! betambah berat aku). Sekali nyau sebuat gamal sida datai, enda gak mayuh, tang endar sigi di kelala aku mua sida. Nyau seput-seput gamal. Biasa, control . . . nemu nya polis datai ngagai endur sida BBQ. Dalam ati aku sigi nyebut, "JERAK ASAI" (Petungal aku kah biak sigi ka endar nyebut jerak asai tok). Sigi Nemu dini endur BBQ+Ngirup, bepada-pada meh kitai. Enti tak ba rumah panja enda gak ngawa. Nya tak ba menua, di kelingi laut. Sigi minta empa remaung. Pei, mua bala orang kah enggau sigi kelala aku magang, endar sigi orang pama ngelentik kah diri bala indu (Untung laki kah bulih. * BOINK). Nama cuti, sigi lalu ka BBQ. Ka hiburan ko sida. Sigi nemu meh kitai bepada-pada. Nadai nya salah BBQ, enti lebih sigi orang ngelara.

Enda ko kaban aku: Sigi gaya orang jauh ari apai indai, nama dah lepas tancang, sigi bendar ngambi uleh ba luar.

Maya apai indai telepon, mereti endar bunyi, teperasa ninga. Ngagai apai-indai ka bisi anak jauhnya, tanya-tanya, peda-peda meh pengawa anak. Enggaikah di kemula kah anak. Ukai gak lebih-lebih, tang ka madah ajak. labankah anak bansa diri enggau orang kenya. Parai, hari-hari kitai alah laban bansa bukai. Dahlah endar sigi enda adil . . . . .

-Kala gak bula kah dadi aku, tang minta duit laban ka meli handphone baru. heheh . . . . Sorry, Dadi!

YEAH, SIAP . . . . . . . .

Nama berita semua?

Baruhnya (lemai tadi) post sebana ati, sekali tok post gaga ati. hehehe
Majak kiruh, majak mayuh agik utai ka tusui. Gaga ati sekali tok, kerja-kerja engggau report aku nyau mayuh udah tembu. Mayuh tumu tembu ari maya kah sasaran aku. Nadai gak mayuh utai runding agik, mina pikir ngaga PSM enggau prototype Design II kami agik. Projek vibration udah raya gak baru uleh gaga, part aku udah gak tembu gaga aku. Mina masuk lab aja agik, nya pan sari uleh tembu. Yeahhhh ! ! ! !

Sekumbang-dua-kumbang tok, sigi balat orang mengut-mengutkah aku. Kapa aku peduli paling penting semua projek bejalai. Sigi enda ngasuh orang jenuh meh aku. Hehehe, ngumbakah diri ngarahkah orang, heheh.

Kemari enggau tadi, masuk bengkel rapid kami sebuat. Nyeah, masuk mesin projek kami, nya pan nyau ka ujung-ujung sem laban meri awak ngagai bala kah ka nembukah projek final year sida ia. Tambah agik mesin 3D printer nya ka amat jai. nadai ngetu-ngetu jai. Nasib nyau manah, meri awak dulu gak ngagai bala kah nembukah PSM II sida ia. Hari 5 tok ila last touch projek kami. Ka ngecat ia agik. Mula ka spray, meda spray bengkel mina bisi kaler biru. Ngai kah sebaka ngau enggi orang ila, manah kami ngecat kediri. (Ila aku ngayan kah nama projek gaga kami nya, nama utainya?)

Nyinuk diri ngaga kerja. Jai amat bau gamnya, nyau pansut ai mata bai ngegam projek nya. Amat jai bau gamnya, cecair methanol kena kami ngelekat kah tepung nya. hehehe, ukai entu gam gaknya. Tang kami manah nya gam ....

kami segeroup 5 iku, Ida, Nik, Kak Laa, ngau Aeman. Boleh tahan group aku tok. Pama gak bagas sida ia kah dasur aku ngaga kerja.

Ida: tukang dasur, betanya enggau minta semua material kami. Laban kah sigi pama negliutkah diri. Sigi selalu dasur kami ia.

Nik+Kak Laa: 2 iku tok pengikut setia sapa-sapa bala kami kah ngasuh.

"Kak Laa, tolong buat ni kejap", (ngusuk ba kertas pasir)

"Nik, U pegi lab foundary kejap, bagitau dorang, buat ukuran gini", (kasak-kasak Nik)

Aeman: Technican group kami. Nama kerja-kerja mesin sigi ia tok ngaga ia. (Aiman tak kisah!)

Thanks arrgh . . . laban udah meri sama-sama komitment enggau projek kitai tok. Apa-apa usaha kita bersama, ada lah kejayaan kita bersama.

Caiyok-caiyok!

Tarik Nafas dalam-dalam:

Habis ko, banyak gambar ko kedapatan dalam hp saya. jeng-jeng-jeng . . . . .

Ia tok, bendar begambar ngena hp aku dalam lab tadi. Ia tok lah, antara geng rapat aku ba ditu, dini-dini mesti bisi, RoVinA, BeN, ReYnoL . . . hehehe.

Sigi nyadi uleh kami segulai. Siku ketisi kiba runding, siku ketisi sepiak, siku ketengah kah runding. Tang uleh ngau nyadi endar begulai. Rovina tarik nafas betul-betul . . . . saya tau ko tahan nafas nih, sebab ko nak nampak kurus kan? hehehe, ya lah tue . . . ko kurus (padahal saya lagi kurus dari ko)

hahahaha, Tarik nafas, saya tau ko mo ikut gambar sy kan?

Yeah, pagila aja agik kelas aku. Lusa start cuti seminggu dah, cuti raya. huh, nadai agik bazaar. Nadai agik meli cendol, nyau gemu laban chendol sebulan tok. Heheh, naka tok dulu, betemu baru pagila... nitezz

Nyual Ikan

APOOO . . . . .

Asai ka ngerate tubuh orang tok ditu siku-siku aku. Enti uleh sigi enda galau aku abis sida tok ditu. Balat ka endar nyual ikan. Tak ati ngerunding diri aja meh nya, nadai ngira orang bukai ba sepiak-sepiak. Nadai gak ngawa, bisi maya sida begunakah aku, kapa aku nulung (rugi enda jai ati, enti orang udah jai ati dulu enggau kitai)

Kes 1: meda kaban kitai sepiak-sepiak udah tinduk, nama main masang lagu ingar-ingar. Enti agik pukul 10,11,12 malam enda gak ngawa. Nya nyau udah pukul 2,3,3 pagi. Enti ujung minggu neda gak aku peduli. Pagila bisi kelas, tumu pagi gik nya. Udah gak aku sigi menawa, nama mata udah tedani udah tinduk malam, lama ndar ngasuh tinduk baru. Nyau abis liur kena ngelara.

Kes 2:" nuan enda agik meli roti?" pei, kama agik aku ka meli . . . aku meli sida ia ngabis. Lantang amat pengidup sida sekumbang aku udah ngau sida ditu. Diatok kapa aku agik meli, awak sama nyepi asai lapar tengah malam. Uleh gak aku kurus... Suka ati aja ngau kitai.

Kes 3: Tadi, enda kala-kala aku laun dani, nadai siku ngerak aku. Nasib bisi Reynol ngerak aku. Nyau berumban mandi ngau besiap. Enga gak laun ndar, laban ngai nadai bas. Selama tok, nama aku dani, nyau baka nama aku berumban gerak sida. Ngetuk pintu. Seapin dani, seagiknya meh aku ngerak sida. Tadi, siku bala sida kah selalu digerak aku pan nadai meh ngerak. Sida, enti kitai enda tegerak kah sida, sigi lalu nyindir aku ...

Tok utai kengai aku diau luar. Aku rindu agik diau hostel. Nadai mayuh utai runding. Nadai gak agik uleh diau hostel. Masuk kelab nasyid, kelab masjid nadai gak uleh. Ka masuk polis, kadet-kadet lelak amat gak... nadai meh uleh diau hostel agik. Susah ka nusui, parai masuk ISA lagi.

Diatok nemu udah kitai, keni ati orang enggau kitai. kapa aku agik ka nulung orang diatok. Minta ampun ngagai petara, nyau enda uleh besabar agik asai aku ngau orang ditu. Nama enda puas ati, sigi lalu ka nyindir ulah sida ia. Ukainya tak besai endar gak nya, lalu nyindir. Nadai stapler tau meh nyadi utai sindir. Tang aku sigi enda peduli, sigi ngasuh aku balat agik engai nyali sida utai. Jerak asai ...

P/S: Sigi bansa kitai meh manah ngau kaya enggau basa. Nadai telaban kah bansa Iban.

Jesel Emelzer Lajumin

HAPPY BIRTHDAY JESEL EMELZER LAJUMIN . . . . . . . . . .

tua sudah ko hari ni, dengan angka 22 (huhu, forever -12)

Apa sy mo tulis ar? Semalam sudah saya wish ko. herm . . . . . dah dapat kol free jangan lupa 'Kol' saya ar, jom kita merapu-merapu . . . . . . .

HAPPY BIRTHDAY!

Lawa amat kerubung orang nyin ...

NAMA BERITA SEMUA?

Malam tok aku nadai muka buku lalu. Shara enggau Nang, bejalai datai kerumah, minta tolong Reynol ngaga kerja FEM, dugau-dugau meh aku enggau sida ba bilik becerita, ni kah lekik-lekik gik ketawa. nadai enda utai kah di ketawa. Nang enggau Reynol ngeringak diri gak bekira nembukah pengawa kah bedau tembu. Ukai Buruk tok ka ngaga kerja. Tang report part aku semua dah tembu. Mina agik nganti ari bala kaban ke nganjung email kerja sida ngagai aku aja agik ( rajin bala kantan sem tok). Tengut-tengut meh ati bala kaban, kapa aku peduli. Sigi di gerak aku sida ia ngaga pengawa ( diatok, siko bedau meh nganjung kerja sida ngagai aku). Pulai raya ila, ukainya bisi ari ngaga kerja sida ia. Sigi temu, ndar kisuk diri gak. Ngasai kah diri nama begawai. Nadai ngerunding utai bukai, ngerunding ngumpa diri aja.

Shara enggau Nang. Shara sigi No:1 nama hal ketawa . . . . . .

Sigi nyindir orang aku sekali tok. Kapa aku peduli agik, ati tengut-tengut meda gamal ia. Sinu kah ROVINA, selalu jak nyadi raban sebana aku tiap-tiap ari. Tiap-tiap ari meh ia, ninga aku tok sebana . Nasib enda nyadi leka lagu. Heheh . . . . . . .

Nyadikah batangg cerita aku ditok, bisi meh kaban aku ditok. Nda gak nyau jai amat ulah baka antu. Agik gak nya baka mensia. Amat pedis ati aku meda kaban aku tok. Ukai nama aku tok pedis ati, selama tok bedau nemu gaya ia aku. Diatok laban kah udah diau serumah, nemu dah gaya ia. Suba agik diau hostel nadai meh nemu gaya kaban. Kumbai tak manah. Diato udah meh nemu keni gaya ia nya.

Suba nadai duit pinjau aku gak ia. Sinu meda madah diri nadai agik kena meli pemakai. Nda ko mak aku, "jali dulu meh, sinu kah ia nadai kena makai". Nyeah lapa . . . . . . . diatok makai maggie ia 2 hari tok, enda meh aku nyali ia. Kapa aku agik nyali ia. Nda aku jai sepi aku, tang udah cukup aku nulung ia selama tok.

Sarinya: Awal semester meli kasut 2 pasang. Sepasang sigi lebih rm150 rega ia. Diatok nadai kena. Laban enda umbas agik. Lapa kenya deh? ntah? diatok ia ngena kasut aku. Enti nemu nyaga enda aku bejako. Tok melapoi-lapoi, 2 pasang gik kasut aku kena ia. Apin agik beg aku. Tak dempu ia meh nya. . . .

Sarinya: Meli baju kameja, rega semak RM7+.++ sepasang. Meli sepasang, meli saiz L. Besai ko ia, enda manah kena. Lapa kenya dah? ntah? aku meli ngi aku sepasang RM 2+.++. Ngai enda ngena ko mar, nadai standard ko arghh . . . kapa aku ngerunding standard, asal manah kena ba tubuh. Diatok 3 dah kemeja aku kena ia. Nanya meh ia, nama ku enda ngena. kati ko nemu ngena, baju kena ia ukai nya lalu basu. Aku masu, rangkai pagila lusa kena ia gak. Nyau ngempu utai kitai.

Sarinya: Ka nginjau duit. Bisi kaban ia ngintu birthday. Ka meli hadiah ka indu. Kapa aku nginjau. Madah duit diri enda cukup. Ka meli perfume kah indu. Nya aku madah, kapa meli perfume anti nadai duit. Beri nuan sebatang pen rega rm1 pan tau. Janji nuan ikhlas ko aku. Nti indu nya enda gaga nerima, reti ia ia enda ikhlas bekaban enggau kitai. Betul enda runding aku tok? Meli orang sarinya, ntah dini bulih duit.

Diatok: Bisi kaban (INDU) ia mai kereta diatok. Gaga ati orang, minggu nyin kemari tumu orang dani nulun masu kereta. Nadai ngetu sida bejalai. kin kia, kin kia . . . . . . . Nama ujung minggu bendar begumpulkah orang bai kah meda wayang. Meda kah tengah malam. Ukai jeles, tang ngerunding ia kah nadai duit. Agik gk bakanya. Ia ngau indu nya sigi baka belangkas, nadai tau jauh. Nama indu nya nadai ba mua ia, sigi bebulu ati ia. ka madah nya pangan ia ukai gak. Bisi gak indu nya pangan. Aku nyau begedi meda gamal ia ngau indunya.

Diatok: meda wayang mehnya tadi. Udah bulehkah ngumpul orang. ka nginjau duit meh tadi, kapa aku nyali. sekumbang seminggu tok sigi nadai duit dalam beg aku. Nemu nadai duit, ka gak bejalai. Nadai mehnya ngerunding kah pagila lusa. Kada enda sakit kini. Beguna duit . . . keni dah?

Lain meh gaya siku-siko mensia. Nasib ia nya ukai sama bansa, enti ianya Iban baka aku, sigi lama udah aku tetak orang bakanya. Ngemalukah bansa diri.


Rovina (ba tengah-tengah) sigi nyadi kaban endur sebana. Hehe, sama-sama sebana mehnya . . .

Minta ampun unggal, bejako pasal nuan ditok. Nya kitai anang tuyu. Nama tuyu ndar sigi bejako kah orang meh kitai.

P/S: Shara & Rovina, saya upload sudah gambar ada muka korang dalam blog saya. Lama sudah minta kan, tapi belum ada kisah lagi ni.

MERDEKA ! ! !

NAMA BERITA SEMUA?

Laun post aku ka wish Merdeka ngagai Sabah ngau Sarawak tok, laun sari. Kemari aku ka nyenguk blog aku tok, tang nadai ari gak lemai kemari. Nyau kiruh diri gak ngaga kerja, tambah mega seari-ari kemari menawa endar gak intenet kami, slow ndar nga. Muka yahoo pan nyau lebih 10 minit. ANYWAY, SELAMAT MERDEKA NGAGAI SABAH & SARAWAK, kelebih agik SARAWAK, menua aku empu. . . . .

Angat amat kami tok ditu, 2-3 hari tok lalu nadai udah ujan. Ba bilik berebut kah kipas meh ngau bala kaban. Tang rindu gak panas baka tok, nyau buruk pansut ari rumah. Nadai bejegau lemai-lemai ngagai bazaar bebeli utai kena ngumpa diri, duit jimat meh. Engka nya kini, orang puasa, berat aku gak niki. . . . parai kitai nyau majak nyadi beruang. Jugam, nyau nyadi jugam ... hehehe.

Naka tok aja dulu, ujung minggu ila betemu baru . . . . .

SELAMAT MERDEKA SARAWAK!

Demam

Enda nyamai amat isi aku 2-3-4 hari tok. Chelap+angat+chelap. Bendar amat aku beridupkah ubat panadol. Enti, enggau orang puasa, sigi lalu batal meh pun puasa aku tok. Seari-ari tinduk lemai tok tadi,lapa deh. Abis test pagi tadi, lalu tinduk. Housmates aku ragak main mahjong ba baruh nadai meh aku ninga, semadi dani muat gari tadi meda sida bendarnya main mahjong, diatok bedau meh badu. Siga gaya sida ia nya, nama abis jak test sigi main mahjong, sampai enda ingat dunya nda ko urang.

Puang udah asai saritok udah test 1-finite Element Methods. Bendar amat belajar kah subjek tok, begaga kah matrix. Sampai 25x25. Nama meda 25x25 ndar lalu lemah meh semangat aku, bisi semangat, baru ngaga baru. Ka nembukah PSM aku minggu tok, kada kah bedau bisi test. Nama minggu bisi test, nyau nadai uleh tegu gak utai bukai. Sigi lalu enda nyamai duduk nama test nya lalu bedau lepas.

Seminggu tok bala kaban mai bubuka ngau sida, nyau seminggu tok gak nadai ari ngelimpangkah diri enggau sida. Bisi gak dah sekali sarinya, ngau yayan, ngelaban ujan mayakah nurun. Engkanya kini lalu ngejungaku kah enda nyamai isi tok. Nasib nadai gak berinsak-insak, mina tak angat+chelap aja. Enti nyau besirut-sirut nya balat endar enda nyamai. Dahlah demalam, balat endar pedis perut, dahlah rumah kami tok lalu nadai ai ari kemari. Bisi gak nya pansut, tang mimit endar gak. Lama endar nganti penuh sebaldi.

ApoooO, minggu tok Yahoo messenger aku tak enda uleh log in. Tuyu ndar gk pc aku tok. Kati-kati gak menawa kenya. Diatok ngena msn aku, bisi kah udah kena add, bisi kah bedau. Ia kah bedau, minta ampun lembau amat kah ngiga account nya ba yahoo aku agik. Nyeah lapa, add aku: ben_tebelian@hotmail.com

Nyau tungang langang asai utai tusui aku sekali tok. Nadai entu batang berita iga gak minggu tok, mina kah majak beranu kah deriba bas meh aku. Nyau majak laun sida ia bejalai sekumbang orang puasa tok. Nyau enda nitihkah jam agik. Nyau sejam sekali bejalai diatok. Nyau sejam nganti sida sarinya. Endar selalu mupuk sejam tumu ari kelas, diatok nyau datai maya kah jam kelas. Apooo, besai singkang nama kelas ba blok baru. pah pedis meh bai bejalai.




:Naka tok aja dulu, ka bejalai sebelah ruai malam tok. Lama udah nadai nemuai sebelah ruai ditu.

YEAH PUASA ! ! !

Nyelai amat topic post aku saritok neh. Ukai nama gagakah orang puasa, gaga ka ngepam tubuh diri. Nadai agik jako enda makai lemai, maya orang puasa tok. Endar sigi bendar meli pemakai. Nyau alah orang kah puasa laban utai pakai ka dibeli bala kami kah enda puasa tok ila, sigi temu ari suba-suba udah bakanya. APOOoo, Bendar nagang diri makai ila eh, enda kelalu uleh kelalu ngepam. Gamal diatok nyau baka kah disepu nda ko inek aku.

Saritok nadai mindah kini-kini. Demalam pan nadai gak pansut ngau orang countdown malam merdeka, MENDEKA !. Ngenatkah diri ba bilik, dugau-dugau nunga komputer aku saritok. Tembu gak chapter 1 PSM aku. Hari 3 minggu baru betemu ngau supervisor aku minta ia nge'chek' ia. Bisi salah dubah gak baru, baru stat masuk chapter 2 mimit-mimit aku tadi. Minggu siti-siti nyin ila engka uleh nyadung questionaire aku ba sebelah campus din, ba bala librarian kami din. Bisi gak di'analisi' aku maya premisi ila, tambah kah ngau ngaga design aku ila. Puji Petara, arapkah mujur meh pajalai aku ditu. ( 3 bulan agik premisi)

Apoo neh, tadi aku print kerja aku. Nadai gak tebal ndar,nyau datai RM35.80. Apoo, nyau ka manjung aku tadi. Engka endar rega ia kini. Printer aku ambis ink, bedau bc kerepai kena meli ink kaler tok, nya nyau print ba kedai. Mina lebih 100 muka surat nya kini tadi. Laban kaban aku sarinya print engi ia mina RM20lebih aja. Jerak asai . . . . . .

(Tok meh kerja kah di print aku tadi, nadai gak tebal ndar. Engka ndar rega ia kini)

yeah,

Yeah,

lemai lagi stat ber'suping' ba bazaar ramadhan. Meli utai kena ngumpa diri, tembu makai nyadi sawa. Nda ko Rangga, "apo itue, baru badu makai, lalu nyadi sawa" uhuh. . . . lagi ia kah lama agik tinduk ari kitai. Nyau labuh ari katil, tesipak kah baldi ai aku. jerak asai.

:tadi aku talipaun ke rumah, sinu ati badu talipan. Hari jai, nyau guntur. . . enda lama bejako tadi. Dahlah nadai ninga dadi aku nyampuk ari belakang tadi. sarinya bisi ia nyampuk kami duai mak ku bejako, "agik bisi belanja nuan?","bisi" saut aku . . . saut mak aku gak ngagai ia. Sigi enda nyamai seduai ia nama ari ujan. Mak aku pama agik, enda baka dadi nyau enda nemu ngetu engkasi. Enti aku bisi ba rumah, bisi gak orang ngurut ia.