Completed

Dua minggu tok aku dah ngurus ka registration nembiak. Officially ia ari minggu nyin kemari, hari 1 enggau hari 2. Tapi agik buka nyentuk kah minggu tok, kah bala senior.

Janji di sebut pass, atas 2.00, niki gak ngagai sem siti agik. Kadang-kadang alit ati gak aku ngerunding sida tok. Nama enda ba runding sida ia. Tanya kitai lagi, sigi endar minat enggau course kah dambi gak. Tapi enda uleh skor. Aku suba, ukai nya minat enggau course dambi aku, tapi apa boleh buat enda ko orang, ka enda mupuk ka sekula gak. Enti enda mupuk nadai duit gak kena ngagai ka bebayar, ukai nya seratus dua kena masuk.

Pahai kitai, masuk perintah dah ka pahai diatok mayar PTPTN. Terima kasih ngagai petara, Enggau orang ka 1st class enda gak result, tang tau kah gaga ati diri, laban ukai kah deka gak suba. Lama begulung ba rumah berunding suba, ka mupuk kah enggai. "Enti enggai badu sekula gak nuan", ko dadi ku.

Pulai ngagai topic kah dulu tadi. Alit ati aku meda nembiak kami ditu, udah gak di bayar apai indai. Agik gak main-main belajar.Ukai agik nembiak, umur semua gak udah lepas 17 tahun. Udah bebulu magang ko orang tuai. Enti runding, nama udah umur 17 tahun nya mesti nemu nama reti sekula. Nembiak darjah 1, darjah 2 dah udah nemu reti sekula.

Sekeda, nembiak, "Sir, lulus aku ka?","lulus" lalu gaga. Apooo ko ati aku, gaga enggau manjung nya tadi lulus kah buleh D. Janji enda E ko sida. Akai enda sida ia nemu, effect D,C nya ngagai pointer sida ia. Nyau besembur liur aku nerang dalam kelas. Tanya nuan lagi "faham" confident magang nyaut faham. Confident baka orang kah baru udah kawin.

Bisi case, datai register. Nadai nemu result diri. "Sir, register","Sem berapa?". Apoo niki sem sebut ia, final sem gik nya,sekali ku check result fail. Apa gik, mua lalu ka nyabak, baka mati ukui, mati mayau. Baka kah tinggal penusah. Tang maya kelas baka nama, lebih ari dinasour. Kitai pansa tau terebai sema ko jako. Nyau baka uras kitai peda sida maya ngajar.

Tanya nama kebuah enda datai class, mayuh amat alasan sida. Ngena magang bunyi ia. Apooo, sabar aja aku. Enti ukai anak bansa diri, engka lubah ka bebulu ati ku ngenang. Tang tok anak bansa diri, nyau lebih 80% bansa kitai Dayak. Udah beri orang peluang sekula, bebendar lah kitai. Nya datai kelas pan semadi. Nama enda disebut ngagai apai indai sida. sibuk ngaga assignments kini?.

Mulut abis liur nama tama kelas madah ngagai sida, enti semina lulus 2.00 aja pointer pan nuan susah ka minta kerja. Kini tunga result nuan nya ka di bai nuan?. Bisi case, siku nembiak. Ka register subject. Bangga gik madah ngagai aku, ia final sem. "Siti subjek agik ku sir, EE". Ok aja meh ko aku, check aku result. Apoo FAIL!. Keni lah ko ia? keni agik ko aku, fail lah. Uji tulis surat merayu, minta repeat subject ni ka patut. Tanya ngagai counselor. Sampai saritok nadai dah register subject ia. Aku pan enda nemu, ia trus badu kenya atau apa. Nyau udah tebasau gak 2 1/2 tahun diau ditu, tuai diri. Masau umur enggau masau duit apai indai. Apooo, anak bansa diri agik nya, bansa kitai IBAN.

kumbai orang enggai nulung bansa diri. keni ka nemu nulung. Sigi nadai nemu utai. Datai kelas on off, on off. Baka orang kah udah pencen gaya penatai. Enti baka orang ka pencen, on off, on off kitai meda sida ia bisi di pasar. Kes ka setiap ari nya, sigi ka nadai pengawa meh nya. Nama enda utai sebut sida ngagai apai indai sida, tetengut ati aku ka nemu. Kes pagi tadi, nembiak minta cuti seminggu ka pulai Bintulu. Ngambi lesen kereta. Apooo ko aku manjung. Enda uleh sekula nuan nama nadai kereta? Ukai nuan lama udah badu sekula kah? Nyau udah sekula baru tok baru ka ngambi lesen kereta piak?. Enti aku baka apai indai, sigi enda dasuh aku meh nya, sigi enda bayar aku. Cuti sem ila pan tau ngambi lesen nya.

Soalan diatok, ari sepiak ni ka dibetul kah kitai, ari sepiak apai indai atau sepiak nembiak nya empu?

:: Lama amat post aku tok dah dalam draft. Tang lalu bedau bisi ari nampung. Post tok ukai tegal aku, merungut enggau pengawa aku kah ngajar. Tang aku alit ati enggau runding, bansa kitai mutar ka pengidup. Enti agik baka tok meh buah runding kitai, 20, 30, 50 tahun ti ka datai. Agik baka tok meh bansa kitai. Nadai temu pengujung. 

Regards,

tansriBen

Ignore, it just a sms!

Kala kita berasai sinu, sinu kediri. Sinu ati tak nadai nemu kebuah? Lapa meh aku tak kenya 2-3 ari tok. Nyelai amat asai. Ka madah bisi belaya enggau orang nadai gak, kadah madah bisi utai lenyau nadai gak.

Engka tak laban siti sms ari kaban aku kini. Nadai nemu kebuah, nadai nemu penangul, tak nadai reply sms aku agik. Nadai gak utai penting, tang sms nanya ka nama berita, meda lama dah nadai betanya kah berita, nyau ka sebulan. Alit gak ati, nya nyau nadai reply. Tang lemai tadi, benung kah kisuk-kisuk ngaga pengawa, sms masuk ngagai hp aku, tekenyit meh aku, nyelai amat bunyi sms. Engka orang enggai bekaban agi meh nya. Nadai meh nya ngawa, tang anang gak nyau enda reply sms. Kitai gak nyau udah bekelala.

Ndai gak ngasai kah diri ngenusah kah ia. Minta ia meli beras enda gak kala. Nadai ngawa, laban kah petara kitai enda ngasuh kitai jai enggau sapa-sapa, nadai ku nyimpan dendam. Tang aku pecaya ka karma, enda ko orang. Nama kitai udah bisi jai enggau orang, bisi meh utai ulih kitai.

Ingat aku, maya ka agik belajar suba. Bisi siku kaban aku kenya, tak ngeringat kah diri. Ngenyauh kah diri ari aku. Alit amat ati, ndai gak nganu, ngenusah kah ia. Aku ba selalu nulung ia. Nyeah lapa, masuk semester baru, nyau kasak-kasak, baka ukui ka beranak ngiga aku. Tang nyau udah nemu gaya, ndai meh aku ka gaga ia baka kah udah. Bepun ari nya aku endar madah diri pecaya ka karma, enti kitai manah enggau orang, manah meh utai ulih kitai. Enti kitai jai, jai meh ulih kitai. Nya meh, naka pemanah uleh gaga meh aku ngau orang, bulat ni asai ati, but ni asai atau enda meh kempang jai enggau orang. Ngasai aja meh orang jai enggau diri empu, nadai nemu ka malas.

Totally sad today :(

Orang Baru

Mua orang baru kami, Baru di upload menyadi aku pagi tok tadi di facebook ia. Welcome to this beautiful world Alya Isabella. 

Dah lama dah ready jadi kakak kumang tok, nya semua endur abis di jelangkit ia. Nyadi komando di rumah ila.

Nice weekend everyone!

3rd of August

Baru udah makai. Kenyang amat belauk terung iban. Pagi tadi dani laun, enda sempat ngirup pagi, nya leko mato tekulap-kulap ngantuk laban nadai nyirut kah kopi. Tambah mega ujan demalam, lembau amat asai dani. Tambah mega demalam, akaidaii kenyang makai enggau bala kaban ku, (Dunstan & Alesandra). Nyadi gout, makai dagin belama. apa-apa-pun enda ko orang, thanks Dunstan, anang jera belanja wai, roger jer I, I kan like to eat-eat!

Berita manah saritok, meri Congratulations ngagai kaban aku, Mr&Mrs Dunging. Bisi soldadu sduai ia diatok, pama orang. Enda sabar ka meda mua soldadu orang Betong nya. Nyau enda berasai, nyau nyadi apai gak tudah kaban aku tok. I'm counting too, counting the hours become a father again. Madi aku ka Bintulu pan nyau ka beranak. Baru jak sms aku madah diri masuk laban ka beranak. Arap nadai apa nama. I wish a baby boy. ;) Awak kah mayuh agik bala enggau berekak. Enda berasai Kumang pan nyau nyadi kakak.

Productivity pan majak kurang 2-3 ari tok. Sari sigek chapter jak uleh tembu kah aku. Akaidaii, lapa main kenya. Aku pan enda nemu. Mayuh amat utai runding. Ka tu, ka nya, ka nyin, ngai nyin, ngai tu. Nya ujung lalu enda jadi-jadi utai gaga.

3rd of August : BLUR AKU SARITOK

Regards,
Ben 

2nd of August

Balat buntau mata ku saritok. Jerak aku, ngai agik keluar malam maya ari gawa. Nyau ngerambit asai leka mata datai opis. Nasib 2 minggu tok nadai kelas. Duduk opis aja, mina tetembu kah sigek chapter aku saritok. Nyau lemi asai tulang ka ngaga kerja. Pagi tadi enda ingat nyirut kah kopi dulu. Leko mata tok, nama enda sirut ka kopi sigi buntau belama, engka udah ketagih dadah kopi.

Lalu bedau meh aku edit resume aku. Malam tadi janji ka edit. Tang malam tok sigi jadi ia, tolak magang bai keluar, jerak ngantuk asai tok. Ukai melengah kerja gak demalam, sigi udah di edit aku gak resume aku, tang bedau bisi ari ngemanah kah agik, kira bisi touch up mimit meh nya. Tang sijil-sijil, transkrip semua udah scan aku. nyau nadai entu nangi agik ka, mina ka compress aja agik. Laban files ia kelalu besai, susah ka upload sereta enggau resume.

Tok ngiga dulu baru chow, enda baka suba. Enti lalu chow susah jadi ia lagi, laban udah bisi commitment baru, enda baka suba. Ulih chow peneka ati. hehe, Arap kah bisi pemujur serak tok, pemujur buleh peneka ati. Enda kisah pengawa keni, keja siang malam pan sanggup, janji gaji cukup dempa, belala ujung bulan. Bisi kah penabat maya beguna kah duit. Ukai gak kitai minta, tang enggai enda besedia. Enda ko dadi ku madah, anang enda besimpan mimit ba account nama ujung bulan, ukai kitai nemu nama nyadi, paling kirau sakit. Enti diatok, susah amat ngasuh ka belaluh. Bekikis kah bulu betis pan bedau tentu ulih.

Tapi enda apa, saritok ari ke-dua pogramme aku, ka penting: ATTACH RESUME.

Regards,
Ben

1st August

Duduk dugau-dugau di opis,nganti kah pukul 4.30. Pun saritok nyentuk kah Raya ila, kami beri orang kelepasan pulai 430. Lapa nda gaga ati, pulai tumu ari orang, nadai kirau kekisuk ngau orang ba jam sebelah roundabout. Duduk pusin-pusin ba kerusi, lembau dah ka ngaga pengawa. Tembu ka 2-3 chapter saritok. Ila nyambung baru, ngai kah nadai gaga ari bukai ila.

Sebenar ia aku enda ingat saritok pulai 430, nyau bejalai ke depan tadi teringat kah memo madah pulai 430. Nya aku nyau tegeley-geley maca news ba library. Masuk ngagai opis aku jam nyau udah semak pukul 4. Dedugau merening dinding, berunding meh nya, berunding ka pengidup. Ukai ngerunding nama utai ka gaga, nama utai ka dempa. Ngerunding pengidup.

Hari enam nyin kemari, aku bisi betemu ngau siko kaban ku, duduk lepak. Kenu ko jako ka meda laptop di Wisma, tang ka lama agik ka berandau bujang-dara di tingkat atas. Nyau enda berasai jam nyau lemai. Sama leka runding meh kami duai ia. Sampai umur berapa kah enggau gaya pengidup ketu, ujung bulan terima gaji. Gaji pan cukup kena mayar hutang. Kumbai aku, aku aja kenya. Bisi gak orang baka aku, kumbai aku, mina aku aja kenya. Naka ni gak gaji, bunyi pengawa manah amat. Teperasa ninga, nama ujung bulan baka pengidup orang di kampung jerung. Kada enda nyamai agik enti idup di kampung jerung.

Nya sepakat meh tok, ukai ati jai, ukai ati enda manah meh udah tok. Tang ngerunding pengidup. Sampai ni uleh tan enggau gaji naka kah uleh diatok? Ukai nya enggai nda bebini, ka bisi anak jemah ila. Selalu meh indai nanya, kemaya ka bebini? Nupi diri empu pana pin uleh, keni ka nemu ka bebini. Nyamai aja saut kitai kah rebak baru diatok, "sekula bedau abis, bedau tembu juluk ati, seagi nya meh bedau bebini". Nyau kemaruk amat bunyi aku tok ka bebini, tang tok ukai kah batang ia. Tang ka ngubah idup, ngubah taraf idup. Diatok nama, enda ka bala staff ka sama enggau aku ditu, "Gawa-gawa degree/master, gaji-gaji diploma". Ulih kitai idup?

Barang majak niki, minyak kereta enda ibuh sebut, enti baka aku kereta pan apin uleh meli, agik ngena kereta ka beri apai indai (aku nyambung bayar bulan) nya pan nyau enda uleh enseput aku laban nya, nama ujung bulan. Anang enti bisi utai bukai. Sigi seminggu enda makai dalam sebulan. Lebih agik enti baka aku orang gila gajet. Sigi bebulu belama meh ati nama bisi gajet baru bisi datai. Sama meh enggau kaban aku siko tok, kami duai ia pan sama minat.

Sampai ni sanggup enggau tan, enggau gaya pengidup ketu. Kadang-kadang lembut gak ati maya boss madah akan revise gaji. Enda ko staff bukai madah, nganti bulan labuh ke bumi baru kitai bulih. Padah boss, taja gaji kitai mit, tang pahala kitai mayuh laban kerja kitai tok ndar kerja berjasa. Amat meh kenya, tang pengidup enda seimbang keni ka idup deh. Meli beras pan enda uleh (nasib boss selalu nyalur ari menua).

Ukai gak ka nyalah sapa-sapa. Tang arap petara ninga sebana, dinga nasib diri. Arap petara meri pemujur dalam pengidup kelimpah ari meri pengerai dalam diri sebilik. Enda minta gaji besai bepuluh ribu, bepuluh juta tang meh cukup kena ngidup kah diri. Nadai kekang ati nama ka belanja. Tok ka pulai menua pan enda uleh meli utai ka apai indai di bai pulai, tang Terima kasih ngagai petara enda gak pengidup susah. Tang ka gak melanja apai indai. Tang nama orang nemuai kitu, sigi belajan aku makai belama. Bai endur kah enda kala seduai, tang seduai tok susah ka makai, ngai makai utai nyelai. Kitai mai sida nyepi.

Sebana ati diri meh asai tok, ukai apa, aku rindu maca post kaban aku ba facebook ia. Laban kah kami duai ia sama bidang, lebih agik ujung minggu tok tadi berandau enggau kaban aku siko da agik pasal pengidup. Pama agik gak aku, idup agik single. Ia nyau ka kawin, nya meh nti nadai aral melintang kawin meh ia ujung tahun tok.

Tok semangat baru aku ba bulan 8 tok, kena 1 haribulan 8:
AKU KA NGIGA KERJA BARU, ENGGAU SYARAT GAJI BESAI ARI KAH DIATOK.

Regards,
Ben