AT BINTULU NOW!

Lama udah lenyau.

Lama udah aku lenyau. Nyau nadai ari kena nyenguk ngai blog aku tok diatok. Bisi maya aku aktif baru ila. Diatok bedau entu ulih, aku online diatok pan nyau ba cc. Nya pan maya nyau enda uleh enda. Udah diau di menua, sigi nadai line internet meh diatok. Ila start aktif, bendar mayar ka maya runggu tok.

:Chow enda lama!

ITs NOT THE END, ITs JUST BEGINNING

Aku & Epit

Aku udah abis dah belajar. Semak 2 minggu tok dah jadi penganggur. Duduk rumah, enggau orang engkani utai, nurun kebun. Nya meh pengawa. Lemak pan nyau betambah meh. Kisuk diri begiga ka pengawa kah maya diatok. Bisi gak mupuk, bekejang ngau orang interview. Nganti kangau agik tok. Enti bisi, bisi orang ngangau ila.

Aku, Anne, & Shara

Enda berasai 4 tahun. Suba maya ka mupuk, balat endar asai ia. Apoo neh, lama amat 4 tahun tok. Sekali maya ka abis, pandak amat jam. Nyau agik blala asai ka sekula, nyadi nembiak sekula. Ketawa-ketawa lekik-lekik ngau bala kaban. Suah kena rara sigi pengawa, sigi pending tebal ka urang. Janji pelajar sekula enda tinggal, ulah sigi jaga mega. Terima Kasih Tuhan, udah nyaga, udah ngintu sekumbang nyadi nembiak sekula.

Aku & Mohd. Khdziri

Aku & Rovina

Dominic, Aku & Anne

Terima kasih ngagai bala kaban. Maya lekik-lekik sigi segulai. Sigi di kingatkah belama maya ka sekula. Nama dah, diatok nyau majak nyintak pengidup diri kitai empu bala kitai. Bisi nya kin, bisi nya kia. Sigi mujur kah pengidup diri. Rindu amat gak kah maya begulai. Gelumu makai sama-sama. Lekik-lekik enda ibuh kira, sigi chapuh menua orang. IT's not THE end, Its JUST beginning!

Thanks dadi & mak

Terima kasih ngagai Apai indai aku, selalu nyukung, selalu meri belanja, hehe, "Dadi, nadai duit" hehe.. diatok lapa dah, sigi kosong beg duit. Kemaya enda maya ka beduit tok. Terima kasih ngagai bala pensyarah aku, bala kaban, tang kelebih agik ngagai petara ti nyaga ngau ngintu ngemujur ngau ngeluruskah jalai sekumbang ka sekula. Maya ka susah, di keringka petara .. Terima Kasih Tuhan.

:yaeh Konvo dah ..

Nyau enda berasai, Abis udah aku.

Apoo, neh.. nyau enda berasai. Semak 3 bulan udah aku ditu. Pagila abis meh aku pratikal. Big thanks to WONDERFUL STAFFS OF BIPORT BULKERS SDN BHD.

3 bulan kisuk-kisuk pratikal, begaga ka report, beuruskan transport, beambi ka lesen kereta, bepulai ke rumah panjai sekumbang ka 3 bulan tok udah ditu. Semua di gaga. Nyau enda berasai apus gak 3 bulan. Bulan baru gak masuk. Bulan baru masuk, masuk minggu baru terbai aku baru ke Johor. bekejang dulu aku ari sida apai-indai aku, dulu 3 ari .. laban Konvo ujung minggu. Aku dulu mupuk, nganjung report ngau ngambi jubah konvo dulu. Konvo aku kena sesi pagi: 10hb august 2009.

Maya baru masuk pratikal lembau amat asai. Takut ka start, keni nda gaya orang? Nemu enda dasuh orang gawa? APOO neh, lepas udah semua nya. Ngai madah diri nemu ngaga utai, tang nama dasuh orang uleh gak nulung. Laban kah nadai kala ngaga sekumbang ka belajar, nama udah meda depan mata lain amat gaya. Laban kah teleba tunjuk bala lecturer tu gaya-nyin gaya mina bepeda ba gambar. Mina kah teori, nama nyau masuk part amali, nyau bepusin asai mata meda. Tang diatok, terima kasih ngagai Petara, bisi gak nemu utai. nama utai nya, nama utai nyin. Ka madah kelalu nemu ngai gak nyadi, laban agik sigi ka belajar, agik baru ka masuk alam pekerjaan ko orang.

Arap-arap bisi meh bulih pengawa tok ila, kada kah agik fresh dalam kadang 2-3-4 bulan tok ila. Bisi apply kin, apply kia.. arap-arap bisi meh nya sangkut ila. Enda 3-2 iti, sigi pama meh enti tesangkut.

Sinu-sinu asai malam tok, ngemas-edit semua report aku. Meda pengawa ka di gaga ba endur pratikal. Maya ka lembau, lembau amat asai isi nurun pratikal.. tang ukai besai jaku, bisi 65% sigi semangat gak nurun, laban kah baru nyepi peluang gawa. Bisi peluang, ba endur ti manah bakanya sigi bendar ka ngambi pengalaman. Sigi berasai, 3 bulan kah dia. Sigi mayuh amat utai pelajar. Ari utai sigi tok-sigi nyin-sigi nya. Asai ka semua abis temu.. ari ka rangap-rangap ninga suba, diatok nyau peda depan mata. Kira nemu agik kah diatok.

Nyau berai asai ka badu, ngerunding diri nyau ka abis, nadai pengawa udah tu. Udahlah ba menua sigi susah ngiga pengawa.. ukai nadai, peluang kelalu mimit. Ka pulai ke menua seberai kin baru, nyau lembau endar gak. Sigi pajak ngiga ditu meh nya. Ndai milih nama pengawa dulu tok.. ni bagi jawatan beri ambi. Janji bisi gaji masuk, kena mayar hutang sekula ..

GAMBATEE .. begiga kah bala pengawa agik udah tok!

Enda sabar ka meda HARRY Potter ka baru tok. Agi suba-suba meda ba CD agik Harry Potter 1 sampai 3. Udahnya nyau nemu ngau orang meda wayang ngai agik bepeda ba CD, nyau ngumba leka mata udah nemu ka milih. Best amat cerita tu ba aku. Agik maya sekula seba, mayuh amat bala perengka begambar Harry Potter. Sigi rindu eh ....

Ka keluar meda, apin bisi ari agik tu. Enti bisi JUGAM sigi mai ia aku. Sayau ia udah pulai kuliah baru. Nyau boring gak nadai JUGAM, taja ka selalu ber-SMS tiap malam. hehe .. semak ditu suba, jarang ber-SMS pangan diri. Nyau udah jauh baru ka SMS pangan diri. Nasib sama-sama ngena OUX, sama-sama murah kami duai ia.

:

Lama amat udah aku nadai bertunga ba blog Iban aku tok. Nyau kiruh diri ba blog aku nyau kiruh ba blog aku ka siti da agi. Nyau datai entu utai tulis gak agik din kadang-kadang. Nyau ndai nemu rita utai tusui. Enda alah nusui utai sengapa lagi. Hehe, nyau nadai entu ari gak, bejalai kini-kini sekumbang ka udah datai di rumah nyau nadai utai gaga gak. Pulai aja pratikal, diau rumah aja. Nadai mindah kini-kini. Ujung-ujung minggu pan nadai meh kini-kini. Lemai-lemai bisi gak jogging enda lama.. nya pan enda gak selalu. Berasai ikak amat isi, nama pulai .. lalu apin teleba asai isi. Engka laban kelalu angat kini.


Nyau enda berasai, 2 minggu agik aku abis pratikal. Udah nya abis meh ya.. nanam anggur dulu .. nganti ka bulih pengawa. Arap-arap enda lama meh tok ba kebun anggur. Ujung bulan tok abis meh. Nyau enda berasai, ka udah 3 bulan. Asai ka lama endar gak 3 bulan nya, sekali udah pejam chelak-pejam chelak abis gak 3 bulannya.

Nyau enda berasai . . . .

SORRY!

Enda Berasai, nyau setengah udah tahun ..

Nadai entu rami gawai Tahun tok, Laban kah bisi rabat rumah panjai. Aku ngau menyadi aku bisi nemuai ke ulu, ngabang ngagai sida inek aku di Krian. Agik belala kah betemu, 31hb sarinya. Tok sekeda gambar ka ba dulu din, gambar ka bukai nyau nadai nyadi. Lain jari, lain gak gaya gambar ia.

SELAMAT GAWAI NGILING BIDAI

Lama amat udah aku enda berandau ba blog Iban aku tok. Nyau nadai ari ka betusui ka utai, bisi utai ka tusui tang nadai gak mayuh cerita, ngai tak nyau nyadi cerita sengapa lagi, manah enda ibuh. hehe

Kiruh amat aku, lelak nama kah pulai Pratikal, laban ka ngepun kah gaya jam baru. Suba agik maya kah kuliah, laun dani .. pulai pan tumu. Diatok nehh, ka ia laun. Sigi tumu dani, tumu tinduk. Nya utai ka di ngam ka. udah tok, udah ok. Nyau uleh matah nitih, enda gak agik nyau peli-peli leka mata nama maya ka dasuh tinduk. Nyau rindu gak asai maya ka pratikal, mina kah lelak laban kah bepatas meh, ngaga pengawa. Nitih kah aja, semua utai ka baru, rugi gak enda belajar kah utai ka baru. Ukai nya selalu orang meri kitai.

Pagila pulai gawai, kami sida menyadi aku. hehe, Selamat gawai ngagai bala semua pemacha blog aku tok. Arap kah buleh tuah belimpah ari tahun ka udah, gerai nyamai nguan menua. Seminggu aku cuti, nasib gak Bos meri cuti lama, bisi gak ari belelak enda lama. Nyau berasai endar diatok, bebiga kah maya cuti. Ndar ambis kuliah, final sarinya lalu nadai cuti tok. Sambungkah Pratikal tok.

Enda sabar ka gawai, nama agik, ka mapa mayuh-mayuh ngembai kah perut. Makai seminggu-seminggu tok, nadai negrunding diet. Pulai gawai ila, baru jogging maya lemai. Kenu ko jako. hehe ... parai nyau majak kembai, nyau sup gamal ila. Berasai amat tubuh tok kembai, sekumbang kah udah datai menua. Nyau takut ka betimbang, Ila lah nganti udah bisi susut mimit asai, baru betimbang. hehe ...

Ok lah, ila aku nusui pegawa gawai kami, nadai kah batang pengerami, mina gelumu-gelumu diri sebala aja:

Selamat ari gawai, gayu guru, gerai nyamai, lantang senang nguan menua, betuah belimpah ..
HOOha ......

p/s: aku kemisi, 1-5. heheh terima ksih BOSS udah meri kemisi panjai.

Habis dah . . . . .

Habis dah aku, hari lima tok pulai menua dah. Minggu baru start pratikal. Enda berasai 4 tahun dah diau ditu. Udah tok ila, engka rajin agik ngabas ngau berBlog, kenu. Dua tiga kumbang tok, kiruh endar. Nyau nadai ari berblog, kiruh enggau blog ka siti agik.

kiruh bekemas agik diatok, bendar ngepos barang 2 3 minggu kah udah. Kerja-kerja thesis semua udah tembu, pagila siapnya di jilid. Hari empat baru nganjung ngai fakulti.

Betemu baru ila, nganti udah datai di menua. . .

Baru Pulai

Baru pulai ari malam kaamatan dan gawai aku di kampus. Ambis program tadi lalu ngagai mcD, nyau enda berasai semak 3 jam duduk dugau-dugau ba mcD, mayuh amat utai ka ditusui. Baka kah ukai serumah gak bala kami.

Tau madah kena enjoy minggu program nya tadi. Boleh tahan gak lah, mina aku kecewa mimit laban aku laun datai. Nadai enggau opening ia. Hal bus, apa boleh buat. . . .

Nyau ka ambis program tadi, belagu meh kami, sigi lagu Sabah(Gunung Kinabalu), sigi lagu Sarawak(Puteri Santubong). Belagu meh kami semua dewan, betanda sekeda, betanda nunda rentak nda ko orang. Tanda orang Sabah kenu ko jako. Lapa deh . . tak padah orang out of control bala kami. Nyaeh jadi bala . . nyau nadai mood agik laban utai kenya. Nama utai kerja MPP. Sigi nadai kerja kah MPP tok kini, nama enda ngiga penyalah orang. Uji sida ngemansang ka Universiti. Enti minta tulong lagi nadai endar gak lagi, sigi nadai buleh nulung. Nama pasal penyalah enda ibuh sebut. Melut leka mata meda kitai. Tanda tradisional jak tadi padah sida OUT OF CONTROL. Ukai nya tak shuffle, nama enda ulah kami. Mana-manah, bendar ngelembutkah jari. Nya keruan 'seperti katak bawah tempurung' nunda ko petatah sida empu. Sigi nadai kala pansut ari menua semenanjung orang nya pelaba aku. Mati idup diau menua tu meh ia. Sigi enda uleh nerima dunia luar. Naka-naka meh kita nya deh. . .

konpem udah tok, sigi kena band udah persatuan SabahSarawak nya. Sigi nadai apa-apa agik program uleh gaga. Indah enda baka pesta pongal suba. Sampai diatok, nadai agik pesta pongal kami. Aku pan enda nemu, seagi pentadbiran kampus tok enda berubah, sigi baka tok meh kampus tok.

Kitai nadai nampak kitai kena tindas kadang-kadang. Tok reti ia kena tindas mega nya. Nama utai gaga kitai salah, ngai enda nitih engi sida ia. Betungkus litup mina ayan leka mata. Dah baju tradisonal bakanya. . keni ko nemu muai? Sida ka sembahyang pagi-pagi, ngerak kitai. . maya ba kampus nadai kitai gut-gut, muntap. Tak dinga aja meh nya. Nadai meh kitai ka bentanda belagu kenya lalu ka begaga utai kah jai. Keruan amat, enti kenya gak kitai ba menua parai tiap-tiap gawai lalu ngaga utai jai. Naka-naka . . . . .

Alit ati aku, sampai diatok sida lalu enda nemu gaya budaya kitai. Kitai mesti masa budaya sida ia. Sida ia enda nemu masa budaya kitai. Sigi tampak amat kitai kena tindas orang (bansa bukai). kadang-kadang beruntung asai diau ba ditu, kadang-kadang enda nama ngerunding penyai orang ka nindas kitai. Engka tak ba runding sida, nama ngaga utai kenya kitai lalu ka ngaga utai jai. Dalam ati kitai mina aja ka begulai manah enggau bala ditu. Nyukong bala diri sama diri ka ngaga pesembahan. Nyeah lapa . . .

Naka tok dulu, pedis amat ati. Nyau begulung asai ati. Patut maya aku kah mupuk lain amat asai ati ku. Ka mupuk ka enda. Semadi ngerunding bala kaban kah datai ari UTM bisi ngusung. Bendar amat ngumbuk ngasuh datai. Enti sida enda datai, sigi enda aku datai malam nya.

SELAMAT HARI MINGGU NGAGAI KITA SEMUA . . . . . .

Enggai kena bius . . .

Apoo, nadai pengawa aku saritok. Ninga seminar psm kena tangguh nyadi isi, lalu lengka. Mata ka berai lalu enda agik, eye mo dah nadai temu tunga. Nyau enseput asai ia, ninga seminar kena tunda, ngagai bulan 5. Maca blog ka bisi di link saritok, lama udah nadai bejegau sebelah blog, betingal kah kumen ba blog ka baca. .

Tebuka kah blog kopisejuk nya aku tebaca kah post ia pasal batang ai betukar nama ngagai batang air. Naka meh nyelai asai nyebut nya dah. Kati-kati tau nukar nama nya ngagai batang ai? Sigi menua Iban, udah bala Iban nyebut ai, kena aja lah batang ai. Tusah kah ka nukar nama batang air ngagai batang ai baru? Orang ka patut, ni tugas kita? Semina ninga aja?

Tebaca blog puteri amat sigi ngasuh pedis ati nama macha pengawa bala sida nya. Sigi nadai engkebut nama bisi penusah ari bansa diri. Nama ka bepilih lagi baru ngelala bala rakyat, bala bansa diri. Nama udah menang sigi nadai, ukai bansa Iban agik. Ingat aku cerita sida inek aku, maya siku wakil rakyat ngagai rumah panjai. Makai tengah ari, betemu ngau bala rakyat kenu ko jako, bendar orang nyediakah pemakai. Babi sigi tumpang. Jalai ngagai rumah panjai inek aku enda ibuh sebut, nama ujan kadang-kadang putus jalai. Nanya orang pasal jalai, sekali saut ia 'Ukai aku mai lipan' nya ia buleh, rangap-rangap laban saut ia. Ukai ngasuh ia mai lipan, minta tolong ia bejako, ia kan wakil rakyat. Aku pan enda nemu, tiap taun pan ia menang. Agik gak orang ka milih ia.

Tusah-tusah, kadang-kadang maya macha utai baka tok nya ngemedis kah ati diri. Ngenang bansa diri nyau dikeduan, dikemelikah orang kenya. Sinu kah bala sida kayan, kenyah keh kena ambi menua, kena orang ngaga tekat ai, bisi karan kenu ko jako. Ngagai menua inek aku, nyau buruk tiang karan bedau meh datai, nama ka bepilih diri ka setiang mdah kah ka datai karan. Taik ia ah, sampai saritok, nyau empa bubuk bala tiang empa repa. keruan enda baka sida ia gak, ngarapkah tiang datai karan, empa repa gak.

ukai semina utai baka tok meh kitai kena insar kena tindas orang. Mayuh macam utai agik, mina kadang-kadang engai di kemesai. Sua kah orang duit, tutup gak mulut. Ka sekula ditu dah asai kah ukai warganegara. Lebih bejako lagi kena bisu gak lagi. Lagi madah mengamalkah demokrasi, semua tau bejako. Tang bisi gak penyarap nganti. Indah enda baka ai kopi, susah ngaga tunyau enggau rampang, sarap gak lagi muai rampang. hehe, peneka ati ngaga jako.

Hehe, naka tok dulu. Ila betemu baru. Bisa amat gak isu polititik tok diatok, parai kena bius enti lebih bejako.

Save the World

Save the world,

Lama udah kah edit blog aku tok. Selalu endar gak nadai ari. Nama bisi ari nyau pengawa bukai. Tok limpang dulu, gagit ka berblog. kisuk ngau fb diatok. Kadang-kadang chat ngau bala kaban, nyau nadai nemu utai ka tusui ditu agik. Udah beupload ka gambar ba fb.

Nama pengawa kita ujung minggu tok? Nadai mindah kita? bejalai nemuai ke menua kini? Saritok nyamai amat ari, enda angat, enda gak chelap. Enggau laban dunya betutup kah lampu kini, nya mai chelap. hehehe enti kelalu chelap lagi, nyau berinsak gak laban ia. Enda nyamai endar asai ia.

Enda berasai, sebulan aja agik kuliah. Terima kasih ngagai petara FYP aku nyau ka tempu. Mina ka simulation ia aja agik aku. udahnya tembu, kira 80% udah tembu. Nyau lembau gak asai ka pulai ari tok. Suba lembau ka asai diau ditu. Udah lekat ati enda ko orang, lalu engai pulai agik asai ia. Nya indai aku Call tadi, udah dipos kah bedau barang. Mayuh amat barang, ka muai sayau bala majalah ka dibeli. Sayau ka muai, pos meh nya ila. Lalu enda-enda ngemas utai ka uleh di pos dulu. Ujung minggu ila kini.

Naka tok dulu, ila aku datai baru. Arapkah inek aku gerai di menua din, undur ke pasar Saratok ia ngambi ubat. Nyau lelengau gak kah menua. . . . nyau belah dua asai ati, agik ka diau ditu, ka pulai menua agik. Mupuk dulu . . . . . .

Berita Aku ....

Apoo, nama rita semua? Lama udah aku enda nusui berita ditu. Nyau ka semak sebulan. Kiruh amat 2-3 minggu ka udah. Tambahkah agi line internet slow amat, nya ia mai lembau amat. Nama pengawa bala kah premisi sekula tok dah? Nadai mindah bala kah bisi premisi?

Angat amat gak diatok, nama maya kah angat balat endar gak angat. Lagi maya kah ujan nyau enda nyamai asai gak diau. Nadai ai kami seari-ari tok tadi start ari tengah malam kemari. Nasib agik bisi ai tangki. Bala kaban serumah bukai nyau bekejang ke Mersing, nyamai gak nadai orang ngerua ai. Engka tengah malam lagi kini bisi ai. Enta patut ngelama nya nadai ai. Ni pengelamanya nadai ai. Nyau ringat orang lagi.

Nyeah nyau sebulan dak agik tinggal nyadi nembiak sekula. Nyau enda berasai. Nyau sinu asai ati ka ningalkah menua tok ditu. Suba maya kah datai, naka pengelembau, nakanya kah ka pulai. Nama cuti ka pulai aja-aja cuti. Diatok beri orang cuti berunding meh dulu. Nyau udah lekat enda ko orang. Rindu begulai enggau orang, kerja nyau enda kingatkah agik. Bendar ngansak kah diri ngaga kerja ditu. Endur pratikal lalu bedau buleh. hermm, sarinya kol orang kah endur aku ka minta pratikalnya. Nama endurnya rahsiakah, enggai kah aku di black list sida ila, parai enda dambi sida, hehe. Mayuh endar endur besambung-sambung talian ia. Sekali ba sambung kah ujung, naka-naka gak basa apai tuai orang nya. Baka kah nadai basa, naka peningi bejaku. Apin abis utai tanya aku, ia udah nyaut aku lalu ngelengka kah kol nya. Enda ngawa nuan ko ati aku. Ingat aku nama ia, no hp ia pan simpan aku. Enggau anak semenua diri pan jai. Engka laban nama aku kini, engka tak nyelai peda ia... enda ngawa lah. Company bukai kah call aku manah endar gak saut sida sida. Mina kah bedau temu bulih kah enda endur pratikal dia. Ukai nama kah kol, nyau ka sebulan agik tok. Enti lalu bedau buleh keni ka pratikal. Naka-naka, tusah ati ngerunding tok. . . . . . tang sapa-sapa kah bisi nemu endur pratikal ba menua Kuching, Sibu, Bintulu tau madah aku. Ila aku ngirum resume aku ngagai company kita nya.

Tinggal enda lama dulu hal pratikalnya, cerita pasal cerita bukai kitai. Diatok aku benung maca buku tajuk 'tuesday with morrie' enda sabar ka ngabis kah bukunya. Laban sarinya aku ke KL, lalu tebuleh kah buku 'Rainforest Tears-A Borneo Story' ti di karang Paul Leslie Smith. Enda sabar ka ngabis kah buku aku tok ka start maca buku 'Rainforest tears' aku tok. Lama amat udah aku ngiga buku tok. Nasib aku ke KL sarinya teringatkah buku tok, Lalu ngiga aku ke KLCC. Nasib agik bisi bajet.

Naka tok dulu, ila aku betusui utai baru. Ngantuk asai mata, start hari 6 sarinya nyentuk kah lemai tadi enggau orang seminar, "Route to be Professional Engineer". Aku maca Novel tadi, aku laban kala enggau program baka tok dulu suba. Program ke-2 suba. Sama aja program ia, mina engineer ka dikangau orang enda sama. Tinduk tumu malam tok, ka dani tumu pagila ka bebasu gari. Arap-arap udah bisi ai pagila.

Umur aku

Huh

Enda berasai tuai umur aku kemari. Enda berasai abis setahun, manggai ngagai umur siti gak. Terima kasih ngagai petara, ti manjai ka umur. Ti agik ngasuh aku nguan menua ia enggau pengelikun, celap lindap.

Terima kasih ngagai semua bala kaban aku ti datai ngaga simple birthday party kah aku. Aku respect ngagai kaban aku Atom, ti ngumpul bala geng. Terima kasih dom. Terima kasih semua, ngagai bala ti datai.

Lapa deh, abis makai nama agik kami bekaraoke agik kami. 2 jam, sigi bendar ngerauh-ngerauh. Enda cukup asai 2 jam. Enggai laun pulai, ka pan enda 2 jam aja meh. Geng ka bukai agik bisi pengawa. Lama udah enda karaoke rindu endar gak.

Terima kasih semua ngagai bala kaban ka bisi wish aku. Sama adanya ngena mulut aja, ngena sms, ngena facebook.com, ngena friendster.com. Arap semua pengidup kitai lantang, celap lindap nguan menua.

Terima kasih semua. . .
Happy Valentine's Day

:Tuai udah aku. Berapa enda neh?

Sekeda gambar maya kami sebuat bejalai ke Singapore sarinya. Rindu amat gak bejalai mayuh-mayuh. Nyau nadai ngentu ketawa maya kah begulai mayuh. Laban orang kah ka endar ketawa. Nama udah begulai sigi nyadi endar. Rindu endar gak . . .

Singapore - 1

Lama udah nadai betusui berita, udah kah jai heater. Nama berita kita semua? Baru pulai raun kemari enggau bala kaban. Kami serumah sama-sama raun. Sari suntuk raun nyukat menua Singapore. Lama amat udah gak kami sebuat ka raun ke Singapore sama-sama. Selalu endar gak enda jadi. Serak tok, bendar laban kah nyau ka habis. Rugi enda bejalai sama-sama. Lelak asai serak tok, enda asai kah dulu suba. Engka laban kah sakit mupuk kin serak tuk.

Rindu amat gak bejalai mayuh-mayuh. Mina maya kah ka begambar enda rindu. Lebih agik ka mai kamera, nyau nadai peluang begambar. Bisi gak peluang, tang nadai mayuh.

Pejalai kami nadai mayuh, mina ngagai Singapore Galery, Merlion, Arab Street, enggau Sentosa Island.

Ila aku nyambung baru nusui pengawa kami kah kin. Baru berasai tubuh tok, demalam apin berasai iga. Jerak asai ko orang, labankah ka. Nya upah.

Bye-bye Heater

Gaga ati meda udah malam pagi hari satu. Boring amat diau di bilik sekumbang seminggu tok. Nyau enda sabar agik ka start kuliah. Pagila nadai kelas gak seari-ari, mupuk meh aku ke kampus. Boring amat, nyamai aku ngurus kah hal pratikal aku.

Ukai nama nama aku mansut kah gambar heater aku nya. Baru badu kena kerumbak aku tadi. Laban kah meletup. Nasib nadai menawa enggau PC aku. Semangat udah ka pagila, nyau nadai ati agik meda bisi barang jai ba bilik. Apin sebulan kena, udah jai . . .

" Gaji nuan, meli utai nadai COP SIRIM"

Tengah malam ka ngaga ai, meletup. Tok kah dua kali heater angus. Sekali sarinya laban maya Dom manduk ai. Berandau-randau meletup. . . . Maya begunakah duit nya gak maya utai jai. Naka-naka . . . .

Pagila lah nurun manci rega heater paling murah ka bisi cop sirim. Enti agik gak meletup amat sigi meli kitel aku ila. Ngerua asai ngena kitel, nya kami serumah enda meli. Nyamai agik ngena heater. Tekan aja suiz, hehe sigi gaji orang buruk. . . .

Minta kasih Belama.

Tadi pulai kah ari kampus, lalu bejalai sebelah P.R enggau Anne, tebaca kah surat khabar kosmo Enda meli laban kah teleba maca online. Tajuk besai ia, indu kah lari nitih laki, enda kisah mehnya laki Indun kah, Bangla kah nya.

Sepeingat aku, sekumbang tahun nyin kemari entah berapa kali surat khabar KOSMO tok ngayan kah berita bakanya. Orang kah enda sama, kisah ia sebaka. Kisah kah saritok tadi lari nitih laki Indun ke Medan laban cinta, apin agik ngayan kisah kah kena santau, kena pukai. Orang Indun nya beli, ka nyatau, ka mukau orang ka enda beduit .. uji bala anak raja satau, pukau bisi gak asil. Nya orang biasa.

Nadai bansa bukai empu kes lari enggau laki nya, bansa laut belama. Nadai kita ninga bansa bukai. Lagi lalu nyabak ba berita, ba surat khabar, madah kah anak kena lari kah bala Indun. Lagi rauh-rauh minta tulung ambi laban merinsa kah diau enggau laki. Naka-naka, cukai duit semua bansa kena nulung orang beli kenya. Enti bansa laut jampat orang nulung, enti bansa kitai, tanah runtuh, ampuh bah, pagila lusa baru bisi datai bantu. Nya pan enti bisi. . . .

Kadang-kadang pedis ati maca surat khabar baka tok. Tak ati minta kasih orang belama, keruan bansa subsidi.

Still Holidays . . .

Agi kemisi maya tok, kediri-diri diau di rumah sewa tok ditu. Bala kaban ka cini pulai magang, bala kaban ukai cina nyau bekejang ngabas menua urang gak. Aku enda enggau ngibun rumah. Kaban UTM (Kenny + Rangga) aku baru pulai kemari ka ngusung aku ditu. Tan kah lama agik enggai gak. Mina sari penuh, (hari minggu) diau ditu.

Sekumbang kah nadai pengawa, tembu gak report aku sari tok tadi. Semua report kah anjung minggu baru udah tembu magang. Pagila start enggau PSM aku. Nyeah, nyau enda berasai gak. Aku pan enda meh pecaya diri uleh tembu. Ukai sebut pengelembau tulang maya cuti. Pagila ka ngurus kah hal pratikal aku. Udah di isi aku dua-dua borang kah ka endur pratikal gak. Arap kah uleh tembu durus meh pagila. Nya pun enti kedai print udah tebuka, bedau di print aku agik resume. Lemai tadi ku ngabas bedau tebuka agik.

Keni cuti tahun baru cina kita? Bisi mindah, bisi ngabang? Cina ditu baka kah nadai cuti. Bebuka kah kedai baka selama gak sida ia peda aku. Bisi cina depan rumah kami, ngau di ujung, baka kah enda begawai gak. Nadai bebunyi. Bisi gak bala kaban datai peda aku, tak nadai chapuh. Ngeruding maya kitai kah begawai, nyau munyi nama orang ka mabuk, munyi ketawa agik. Engka begawai kah diri sebilik aja kini ditu. Engka nadai kangau bala kaban. Nadai gak meda kaban laut, kaban tambi ngabang ngagai sida. . . huh, lain amat.

Presentation

Enggau lecturer, Prof. Abbas.

Minta ampun ngagai bala kaban aku (Kenny, Jugam, Empie) ti ka mai aku Chat 2-3 hari kemari. Sorry unggal nadai ari endar aku sekumbang 2-3 ari nyin kemari. Kiruh diri gak aku nembu kah slide, ngau nyediakah diri enggau presentation aku ditu.

Nyamai amat asai udah present, tajapan agik bisi 2 agik presentation subjek tok. Paling penting siti kerja udah tembu. hehe, pama meh kurang mimit agik kerja. Udah lah kami sebuat sigi bendar demalam, belakon. Nyau buntau kelas paginya. Nasib gak kelas paginya bengkel. Sebedau tok nadai berunding ka belakon, nyau last minutes ko orang baru ka berlakon.

kesal maya kah ka present, udah present nadai asai gak agik. Maya kah udah bejako ba depan. tuyu ndar gak, nyau berapa tahun tok udah ditu, nama bejako (present) enda tau enda kesal. Kati gak orang uleh gak bejaku tak lantang gak gaya bunyi ia. Maya diri tak getar-getar asai ia. Baka kah baru ia gak bejako ba mua orang mayuh.

Ambis nya . . sigi ambis batery kamera kena begambar. Laban kah enda ingat di caj aku demalam. nasib agik uleh kena begambar.

:Yeah, minggu baru cuti seminggu gak. Cuti bala cina begawai. yeahh .... Kenny enggau Rangga datai ngagai aku kitu. beduruk kitai, Seduai agik ngusung aku kitu. Bansi aku kah nemuai ngagai seduai suba dah. . .

Lepa enda lama

Nama berita? Nyau enda bagas betaip seminggu tok. Laban nyau kiruh diri, berumban ka nembu kah draf PSM II aku. Ka danjung aku ngagai supervisor aku minggu baru ila. Minggu siti-siti nyin ila, cuti gak seminggu. Cuti tahun baru cina. Pulai magang bala kaban. Geng bala ukai cina, nyau bekejang gak ngeraunkah diri. Aku sigi lubah ka enggau orang. Tinggal ba rumah ditu kediri meh aku, nyadi ama enda ko kenny. Mayuh agik utai bukai kah penting agik, ari kah bejegau. Nya nyau lembau gak ka bejegau. Keja PSM enggau ngiga endur LI sigi bedau kari-kari tok nganti. Endur LI pan lalu bedau temu . . Endur udah bisi ba runding. Tang bedau ngirum resume agik. Laban UHKI endur minta cop resume bedau buka agik, kah faculty kami. Arap-arap buleh endur pratikal, lalu meri endur gawa. Ni kita bisi nemu endur ka offer endur pratikal ba menua? Bebendar amat tok ka minta ba menua, sapa-sapa kita kah nemu bisi ba menua tau contact aku ngagai email aku kini, (ben_tebelian@hotmail.com). Nyau baka kah ngaga offer aku tok ditu, hehe . . .

Ukai nama, irau gak tok. Ngai nadai endur pratikal, nadai endur gawa ila. Ukai nya tak majak nyamai ngidupkah diri. Rega utai nyau baka nama, tiki-tiki ka bala cina. Lesap-lesap duit. Nadai berasai abis duit maya bebelikah utai. Nya nyau ngerunding, nyamai duduk rumah cuti tok lagi. Ngaga pengawa cuti tok. Bejako meh bala kaban, buruk endar enggai mindah ko sida. Sorry ungal, sorry kaban, ukai enggai enggau kita bejegau.

ka penting dulu ka gaga, paling penting psm aku setengah ka di tembukah aku maya cuti tahun baru cina tok ila. Ujung ia tembu aku dalam bulan 2 ila. Janji aku, abis bulan 2 ila, sigi udah tembu magang PSM aku. Mina edit utai ka mimit-mimit aja agik ila. Arapkah mujur meh planning aku tok, amen.

Kami segroup Lab casting. Ia kah bagas agik capuh diri gak . . kah nadai bebunyi, sigi enda bebunyi gak sekeda. Enda ngawa gak, jari engkebut. hehe . .

Hari Ngundi

Sari tok tadi kami ngundi. Aku ngundi tumu pagi, laban kelas kah start kul 8, badu kelas kul 9 lalu ngundi. Pama gak pemanjai baris orang kah udah bebaris. Nasib enda lama bebaris, laban endur ngundi diatok myuh di buka sida, sampai ke kampus bandar kin. Aku pan enda nemu, sapa bagi kah di clik aku nya, nadai kelala aku bala sida nya. Bisi gak siku dua, nyau pan mua kah kingan laban kah selalu bepansa enggau nganti bus.

Hari 1 orang kah begantung nama enggau manifesto nya, saritok tak udah ngundi. Madai ninga orang bekimpin-kimpan sebelah cafe serak tok. Nyau nadai asai pilihan raya. Ambis ngundi, beri orang payung bala kami. Gaga gak ati, bisi gak payung baru di bai ke kampus ila. Selama tok cabutan betuah aja nganti ba pintu keluar nama ngundi, serak tok beri orang payung kami. Bisi cabutan bertuah gak tadi, tang semina bulih utai ka 'Terima Kasih' aja bala kami sebuat. Teringat ati ka buleh hamper. Bisi gak utai pakai ti buleh hamper. heheh, angan-angan enda lama.

Congratz, ngagai bala kah menang. Anang gak bula kah semaya. Udah menang nadai ingatkah manifesto diri. Bendar badah kah ngatur urusan bas. Awakkah ngikut jam... ila gak kitai sama meda, amat enda kini nya. Anang udah tok, nyau majak lama agik kami kah nganti bus. Dah lah diatok, hari 1 kami bisi kelas malam . . . dah lah bus nya lungau-lungau maya malam, kadang-kadang tau tumu bejalai maya malam. . nama udah pukul 10 nadai agik. Nyeah, ni kena kami pulai ka ambis kelas malam kul 10? naka-naka!