BYE BYE 2008

Tahun baru dah pagila. Nama pogram malam tok? udah sedia ka palau? Ngansarkah kaki? Hehe, nadai ati bukai enda ko orang. . .

Nyau enda berasai Tahun baru dah pagila, 2009! ka setahun agik, masuk 10 tahun dah kitai ba tahun 2000. Nadai asai endar tahun beganti tahun. Nama juluk ati tahun tok? udah tercapai magang kah tahun nyin kemari? Besampi ngagai petara awak kah mujur kah agik pengidup kitai ba tahun ti ka datai tu. Nadai utai bukai impian kah tahun baru, diri bilik gerai belama, enggau buleh kerja ambis belajar. Nadai mengangur uleh gak meri apai indai. Amen. Takut endar gak asai tok, ngai kah nadai buleh endur kerja, mayuh ndar gak bala company-company tutup maya kah diatok. Arapkah petara meri jalai kah tahun baru ti ka datai. Kenya meh gak, arapkah apai indai, diri sebilik gerai belama.

Welcome 2009

Selamat tahun baru 2009 ngagai kita semua, arapkah mujur, gerai belama dalam pengidup kita.

Takziah ngagai Kaban aku . . .

Nadai kitai nyangka utai baka tok. Nya meh udah datur Petara. Nadai kita minta nadai kitai ka. Nyau enda berasai ai mata nitik ambis bejaku enggau kaban aku lemai tadi. Sinu amat ati, labankah ndar tak kawan keras endar meh ia nya ditu. Endar udah datai Johor ditu ia tadi, tang enda mukai-mukai buleh kol madah kah indai ia udah nadai. Lalu nikal baru meh tudah. Sinu amat-amat nama aku ngenang nya. Labankah ngenang menyadi apai aku suba. Tak baru pulai ngabas apai aku ari sepital sibu ia ngabiskah seput ia.

Udah datur petara mehnya.. Mina uleh besampi, arapkah indai ia lantang ningalkah menua. Arapkah begulai enggau petara di surga.. amen.

Ane,

Anang irau pasal kuliah ditu. Apa-apa aku nulung nuan urus semua tok ditu.. arapkah nuan kering ngelepaskah diri ari semua utai baka tok. Nama-nama utai nyadi sigi datur petara.. enda ko laut, apa-apa yang terjadi ada hikmah disebalik. Arap petara merekat kita sebilik, amen!

Cerita Maya kemisi

HOHO . . .

Rindu amat kemisi, diau ba rumah. . diau ba rumah panjai. Segau-segau sebelah menua, makaikah lauk Iban, sayur Iban, beras Iban, dagin pan dagin Iban (manuk Iban deh. . .) Nyau enda berasai sekumbang kemisi labankah ati segau-segau sebelah menua. . . enda angat burit duduk ba rumah panjai (peii, jadi ndar bujang lelayang, enda pia ia kantan)

Enggau orang ngembuah, makai buah sigi bendar sekumbang kemisi. Ngumpa diri enda ibuh sebut, ka baru datai sigi sekilo niki. Nyeh lapa . . . Mina nadai karaoke pulai tok tadi, mina belagu mit-mit ba bilik mandi, Hehe ngemasakah orang, rumah panjai baru start nulit mayakah datai.

Utai dempa dulu di giga aku, KOLO MEE ko orang Kuching . . . mee rangkai ko kami Saratok. Sekumbangkah pulai sigi nadai malik ngagai maggie, mee goreng (indomee) sigi mee rangkai dempa. . . orang nurun ke pasar pan minta kirum. Mee 100 pan enda popular agik aku kah pulai serak tok, aku kah pulai dudi nyin suba, popular endar gak mee 100 nya. Sema kah enda tiap-tiap pagi makai mee 100 . . .

Nama kebuah aku ngambi gambar tok kini? Hehe, alit ati aku meda gambar tok. . . Laban, tiap kali kami nurun tama kedai cina, jagang enda dempa telu rebus cina atas bija. Enti ba rumah nadai gak ati ka makai telus rebus. Sama gaknya. . . nya meh, tuyu endar!

Dahlah rega barang balat endar diatok. Ikan masin ka lungau sebungkus pan datai rm5.00. Parai kitai! Rindu gak ujan, labankah enda angat. Tang sinu gak kah orang kah nangkal getah. Nadai uleh nangkal maya hari ujan. Dahlah maya aku kah pulai sarinya rega getah balat endar nurun, ka rm1 lebih sekilo . . . bayangkan, 10kilo baru berapa ringgit, enda cukup meli beras sekambut. nasib diri sebala sigi regas enggau orang bumai. Nadai ngelaung tiap tahun bumai. Bisi beras nadai entu penangul iga. . laban lauh senang di giga, lauk babas mayuh. . mukat, nginti enda ibuh sebut maya ujan. . . buleh seda bala kah bagas agi. Ia ka buruk enda ibuh sebut, perut ia gak engkerau.. ngenatkah diri lapar. Ujung enchuri. Nya dadi aku nyau jarang nupi manuk agik diatok. 3-4 bulan ka gawai baru start nupi manuk baru. Nyau nupikah orang manuk. . . nupi kah orang buk chelum.

Mayakah cuti sarinya, bisi gak nyenguk enda lama ngagai The Spring enggau Boulevard. Ok gak lah . . . utai jual enda ibuh sebut. Naka ia rega barang nya dia. . . nyau baka kah 5 kali ganda ari menua seberai ditu.

Ngagai pantai enda ibuh sebut. Kini-kini penunga kami bejalai. Laban kah mak enggau dadi sigi masuk ngagai pantai. Anang enti lemai dah. rindu endar seduai ia kena kebu angit ribut nya. . . . lagi enda tan gak laban ributnya. Antu mandi (anak menyadi ku) enda ibuh sebut pengaga ia. Gaga endar ia basah laban ai pantai nya. Ia takut gak meda umbak, tang ka endar gak diau ba pantai.

Anak menyadi aku dambi aku gambar, laban kah meda duduk berimbai. Tusah meda dua iku tok duduk berimbai manah. Ati ka nyangkam pangan diri. Keruan baka ukui enggau mayau. Tok ransing duduk berimbai, laban baru di beli kah aki ia cat. . . cat enda ibuh sebut, beli pagi ambis lemai. Lemai ari tau peda, sebatang cat tau ba pintu depan, sebatang ba pintu belakang. Jarang enda pulai ari barang main, lebih-lebih engi ka laki nya.

Siku tok ngelukis bala jelu. . . padah aku nadai jelu, bisi ko ia. . rauh-rauh madahkah bisi nama aku madah nadai. hehe, rindu nundi. Bisi manuk, bisi ikan meh nya dia ko ia. Manuk enggau Ikan begulai berimbai.

Siku tok jarang ngelukis utai bukai, nama enda apai ia, indai ia gak lukis ia. heheh, apin tembu utai di cat udah ka carut, laban berebut kah cat. Beli siti siku gak nya. . Nya lah keruan nda ko orang tuai, laya anak mit. Enda datai sepuluh minit begulai baru. Sebelah dinding enda ibuh sebut, sigi nyadi tukang cat nama seari-ari enti di beri cat.

Nyau enda berasai sekumbang kemisi, ambis seminggu-ambis seminggu. Ujung ambis gak tahun. Minggu baru udah 2009. . . nadai enggau orang tahun baru tahun tok, laban tumu pulai. Diau rumah nadai meh ngau dinsar kaki, mina gak ngumpa diri seari-ari 31hb nya. . malam 31 nyau nadai tulang agik, laban kelalu kenyang siang hari, hahaha. Nya ia buleh, nama udah masuk bulan 1 nadai entu lama agiknya ka Gawai . . . hahaha!

Nya ia buleh. . .

OOoHa...

HooHA. . . .
Baru datai lemai kemari. Sekumbangkah premisi, sigi nadai ari 'mengupdate' blog aku tok. Kisuk ati ari gak diau menua, ngau orang ngembuah buah kah sigi dua nya. . . Baru tulehkah buah pakan kami mansau manah. Selama tok naka ia, bala munsang, bala tupai, ia kah bebuk chelum ngenchuri. Nadai tau mansau manah buah.

Sebulan kah diau menua, nyau nadai berasai. agik belala. . . . agik belala begulai enggau diri menyadi, diri sebala. . . . Kuliah start hari 2, pagila agik cuti. Aku tok tumu pulai, labankah sida apai enggau indai aku enggau. Udah pulai kemari gak ke menua baru. Nyau seilu-ilu gak asai tok ditu kediri.

Naka tok dulu, lemai lagi aku nyambung baru. Ensera kah pulai kemisi. Nadai laun plaba aku, Merry xmas ngagai semua. . . . .