Duduk dugau-dugau di opis,nganti kah pukul 4.30. Pun saritok nyentuk kah Raya ila, kami beri orang kelepasan pulai 430. Lapa nda gaga ati, pulai tumu ari orang, nadai kirau kekisuk ngau orang ba jam sebelah roundabout. Duduk pusin-pusin ba kerusi, lembau dah ka ngaga pengawa. Tembu ka 2-3 chapter saritok. Ila nyambung baru, ngai kah nadai gaga ari bukai ila.
Sebenar ia aku enda ingat saritok pulai 430, nyau bejalai ke depan tadi teringat kah memo madah pulai 430. Nya aku nyau tegeley-geley maca news ba library. Masuk ngagai opis aku jam nyau udah semak pukul 4. Dedugau merening dinding, berunding meh nya, berunding ka pengidup. Ukai ngerunding nama utai ka gaga, nama utai ka dempa. Ngerunding pengidup.
Hari enam nyin kemari, aku bisi betemu ngau siko kaban ku, duduk lepak. Kenu ko jako ka meda laptop di Wisma, tang ka lama agik ka berandau bujang-dara di tingkat atas. Nyau enda berasai jam nyau lemai. Sama leka runding meh kami duai ia. Sampai umur berapa kah enggau gaya pengidup ketu, ujung bulan terima gaji. Gaji pan cukup kena mayar hutang. Kumbai aku, aku aja kenya. Bisi gak orang baka aku, kumbai aku, mina aku aja kenya. Naka ni gak gaji, bunyi pengawa manah amat. Teperasa ninga, nama ujung bulan baka pengidup orang di kampung jerung. Kada enda nyamai agik enti idup di kampung jerung.
Nya sepakat meh tok, ukai ati jai, ukai ati enda manah meh udah tok. Tang ngerunding pengidup. Sampai ni uleh tan enggau gaji naka kah uleh diatok? Ukai nya enggai nda bebini, ka bisi anak jemah ila. Selalu meh indai nanya, kemaya ka bebini? Nupi diri empu pana pin uleh, keni ka nemu ka bebini. Nyamai aja saut kitai kah rebak baru diatok, "sekula bedau abis, bedau tembu juluk ati, seagi nya meh bedau bebini". Nyau kemaruk amat bunyi aku tok ka bebini, tang tok ukai kah batang ia. Tang ka ngubah idup, ngubah taraf idup. Diatok nama, enda ka bala staff ka sama enggau aku ditu, "Gawa-gawa degree/master, gaji-gaji diploma". Ulih kitai idup?
Barang majak niki, minyak kereta enda ibuh sebut, enti baka aku kereta pan apin uleh meli, agik ngena kereta ka beri apai indai (aku nyambung bayar bulan) nya pan nyau enda uleh enseput aku laban nya, nama ujung bulan. Anang enti bisi utai bukai. Sigi seminggu enda makai dalam sebulan. Lebih agik enti baka aku orang gila gajet. Sigi bebulu belama meh ati nama bisi gajet baru bisi datai. Sama meh enggau kaban aku siko tok, kami duai ia pan sama minat.
Sampai ni sanggup enggau tan, enggau gaya pengidup ketu. Kadang-kadang lembut gak ati maya boss madah akan revise gaji. Enda ko staff bukai madah, nganti bulan labuh ke bumi baru kitai bulih. Padah boss, taja gaji kitai mit, tang pahala kitai mayuh laban kerja kitai tok ndar kerja berjasa. Amat meh kenya, tang pengidup enda seimbang keni ka idup deh. Meli beras pan enda uleh (nasib boss selalu nyalur ari menua).
Ukai gak ka nyalah sapa-sapa. Tang arap petara ninga sebana, dinga nasib diri. Arap petara meri pemujur dalam pengidup kelimpah ari meri pengerai dalam diri sebilik. Enda minta gaji besai bepuluh ribu, bepuluh juta tang meh cukup kena ngidup kah diri. Nadai kekang ati nama ka belanja. Tok ka pulai menua pan enda uleh meli utai ka apai indai di bai pulai, tang Terima kasih ngagai petara enda gak pengidup susah. Tang ka gak melanja apai indai. Tang nama orang nemuai kitu, sigi belajan aku makai belama. Bai endur kah enda kala seduai, tang seduai tok susah ka makai, ngai makai utai nyelai. Kitai mai sida nyepi.
Sebana ati diri meh asai tok, ukai apa, aku rindu maca post kaban aku ba facebook ia. Laban kah kami duai ia sama bidang, lebih agik ujung minggu tok tadi berandau enggau kaban aku siko da agik pasal pengidup. Pama agik gak aku, idup agik single. Ia nyau ka kawin, nya meh nti nadai aral melintang kawin meh ia ujung tahun tok.
Tok semangat baru aku ba bulan 8 tok, kena 1 haribulan 8:
AKU KA NGIGA KERJA BARU, ENGGAU SYARAT GAJI BESAI ARI KAH DIATOK.
Regards,
Ben
2 comments:
rindu amat ku macha post ba blog nn k saritu Bian.. betul amat utai ko nn nya.setuju aku enggau pendapat nn. ya ka diatu, lain k ingin ati, lain meh k bulih kitai, nda pia...but first of all, should we thank the Lord, because He has given us this opportunity. baka ko nn Bian, amat ka amat bulih k pngawa gaji k besai nda pia. nama kbuah kitai blajar jejauh,ngasai k penusah ba menua org, enti kitai nda bulih utai k setimpal enggau apa yg telah kitai rasai.tp engka Petara meri kitai peluang ngasai k utai k bakatu dulu. tu nyau kpuas ku berunding bian. and for your info, aku baru nerima confirmation ari kolej ku...setahun ku ngena status "probation" laban k enggai confirm (ka lari jampat me nya enti bisi bulih keja k manah k juluk ati :P)..tp nya la..lepas ku interview sarinya alu ndai ga reply, so ku terima aja..whatever comes next i hope it will better since aku akan dengan ikhlas melakukan kerja tu...siti agi aku setuju ngau jaku nn Bian...pasal menyara apai indai..sama meh tua...ka amat2 meh meri apai indai blanja taja sduai agi gawa...tang nyau tebalit ya..nda ku malu madah k tu laban nang nda cukup gaji yg telah ditetapkan...anang ga ka besebut k utai bukai...bersabar dulu meh nya walaupun ati nyau ukai bebulu agi, nyau berduri...ngining enggi org dulu..heheh..walau apa pun..i hope all the best for u.dgn ini, sy menyokong semangat anda..kerana sy pun mempunyai semangat yg sama. p/s : just take the opportunity and better will more to come. i believe in that :) - Alesandra
Terima kasih enggau komen panjang lebar nuan Alesandra. Nya meh gawa pengidup kitai kah rebak diatu. Bedau agik kah kena racist and discrimination. Endah ibuh sebut utai kenya, mina temu dalam ati diri. Sebut pan susah, enda sebut pan susah. Enti sema nyamai lari baka cerita hindi datai di Australia enda gak ngawa, nyamai tak mansut kah leko runding, tok nama, parai kena bius. Nyau pulai 0 baru runding ila.
Besampi meh kitai ngagai petara, ngarap kah pemujur dalam pengidup. Btw, Congratulations ngagai nuan enggau confirmation nya. Aku agik nganti bulan 10 ila, agik bisi 2 bulan lebih, keni nda nasib. Nya diatok senanas edit ngau fotostat utai ka beguna. Kia bai nasib kia gak mupuk.
Sama-sama meh, Thanks Lord!
Post a Comment