Baru datai di rumah Kuching, udah ka kemisi seminggu pulai menua. Nyau enda berasai seminggu, agik belala. Jampat amat gak jam bepusin enti diau menua. Janji sarinya enda pulai menua, tang nyau ka dugau-dugau boring. Tinduk makai tinduk aja ba rumah, lapa gik. Pulai jak aku. Enda tan laban pemoring diau ditu, bala kaban pan mayuh pulai gak ke menua. Nasib gak pulai, mayuh amat pengawa di gaga.
Lama udah nadai kerja berat, sekali kerja berat asai kah pepat asai tulang. Nadai gak entu pengawa berat iga, mina enggau apai aku maja getah. Nasib gak sarinya enda balat panas. Enda gak berasai lelak. Tang pama asai tulang udah lama enda ngangkat utai berat. Ngangkat seguni baja asai kah pelepi tulang belakang.
Maya kah premisi sarinya, bisi enggau apai aku ngabas tanah kami. Tanah getah kami. Getah dia dasuh tangkal bala kami empu, ari kah tebasau kenya aja. Manah ngasuh orang nangkal dia. Bala kami menyadi nadai nemu bagi tanah diri empu. Padah apai ku tanah tunga katas, katas gak ko kami. Mina tanah endur bekebun kah diatok temu kami tok. Enti nyau ka jauh tama ke dalam kampung sigi enda nemu bala kami tok.
Menawa gak aku, pulai kah serak tok. Tak sayau kah sida tanah. Mayuh amat utai dinga sepiak-sepiak. Nya apai aku madah, tanah getah kami kah ditangkal bala kami empu nya. Nyau kucup ujung. Apoo, enda kala-kala tanah nyau kucup ujung. Pemendar enda meh aku nemu, mina ninga jako aja. Enda patut apai aku bejako aja. Sida madi tuai aku kala gak nangkal dia suba pan madah kenya. Pun getah ke ujung nyau majak mimit. Amat pama, tanah nemu mit ujung nama dah lama.
Hari 5 sarinya birthday anak menyadi ku, Serumpu diri sebala kami. Sebedau ka mupuk, datai bala kami mai rita. Sida ia serumah ka nanam sawit, tanah sida nya tengah madang kampung, ni enda mansa tanah kami. Tanah nya tadi enda aku nemu dini endur, jauh ke atas agik ari tanah getah kami nya tadi. Enda ngawa numbuhkah sawit, mansa tanah kami nya, anang tak nyau ngerampit. Sigi pama rita apai tuai orang tu ngerampit tanah orang. Penyenyai enggau pemingking enda ibuh sebut. Keruan meh kitai mensia, tuai tuai agik kenya. Urang kah nembiak nemu agik berunding. Enda ibuh sebut kami kah agik bejual suba, nama ka meli utai, nama nadai ba kedai siti, sigi enda meli ba kami ia. Ka agik ia ke Roban. Tang Terima Kasih ngagai Petara, enda ngasuh rugi gak ia enda meli. Nemu gak Petara mansi.
Nya aku madah ngagai seduai ia (apai enggau indai) Serak tok laban endar-endar nama ia agik ngerebut tanah. Anang alang-alang, liri ia ngerebut utai baka nya. Laban kitai kah nadai bebunyi, nya ia tak sengapa penapat inat ngindik pala kitai. Kitai laban kah nemu basa, ia laban kah tuai, tuai sengapa. Nya umur ia gayu, laban idup ia ka merinsa. Kitai masa ia kah tuai, ia enda nemu masa kitai ka biak. Nya nyadi kenya.
Ukai nya murah tanah diatok. Berebut orang begiga kah tanah diatok. Kita sebansa nyau majak bejual kah tanah. Nadai meh nya ngerunding kah guna tanah nya jemah ila. Ukai kah guna diatok, kah guna serak kitai kah bukai. Diatok ba orang kah nadai berunding ngemansang kah tanah, nadai guna meh tanah nya, nyamai jual ko sida ia. Enda sida nemu, bala tokey-tokey kah kaya nya laban ngemansang kah tanah kitai.
:: Agik belala diau menua. Perut enda ibuh sebut, sigi nadai tapis utai tama nama di menua. ;)
No comments:
Post a Comment