Tok ujung minggu ke lima, minggu ke 6 aku ngaga Lab enggau nembiak ku. Minggu 7 ila aku meri nembiak aku mid-term exam. Semester tok aku ka nguji tegas mimit enggau sida ia. Sapa kah nadai datai quiz sigi nadai quiz set B beri aku. Mid term tok pan aku ka ngaga kenya enggau sida ia. Awak sida nyepi asai. Aku maya kah agi belajar suba, nama nadai datai exam sigi nadai beri orang exam agi, nama nadai kebuah berat enda datai exam. Nembiak ditu lain, sigi apoo belama aku ninga alasan bala sida tok. Kadang-kadang aku empu tau tepusing 360 degree untak ngerunding alasan sida tok.
Aku bisi 4 iti subjek, ngajar ari sem 1-3. Siti class certificate. Kelas certificate nya sigi bepusing belama pala aku nama ngajar sida. Enti uleh 360 degree sigi tak kating-kating pala aku 2 jam ngajar sida. Nasib kelas nadai susah iga, ngajar sida engineering drawing. Tang, apoo enda ko aku, sigi apoo belama. Aku pan enda nemu nama enda ba runding sida tok. Ka madah agi biak, engka enda gak, laban enti dasuh bebini-belaki, sigi tau. Tang enda ko aku, apoo. Aku enda ingat, minggu kah berapa, aku ngasuh sida ngaga drawing block, sukatan dalam mm, laban aku ngambi format ari Amer, ia udah ngajar sem nyin kemari. Nanya siko ari sida ia, "Sir, keni tok, ba pemaris sukatan dalam cm?","Apoo, convertlah ngagai cm". asuh aku convert ia nya tadi, "1 cm = 10 mm. jadi 10 mm ngagai cm berapa?" ko aku nanya ia baru. 10 bahagi 10 ko aku, "0" ko ia, apooo anak menyadi aku kah darjah 1 dah nemu jawapan nya. Aku nanya sida ia, nama kebuah kita ngambi course tok, sida madah laban minat. Minat keni ko aku nanya sida baru, nadai siko nyaut. Nya aku madah ngagai sida, enti kitai minat, mesti kitai bebendar. Enti kitai enda bebendar, reti ia kitai enda beminat meh nya ko aku madah ngagai sida. Apoo, sigi tau abis ai liur aku enggau sida tok. Apin agik dasuh meli drawing instrument. Sampai minggu tok, agik meh bisi bala sida nadai cukup barang. Kapa aku agi ngingat kah sida ia, ukai aku beguna kah nya kena final ila. Sida ia, nyau tiap-tiap minggu aku madah utai ketu ngaga sida ia.
Bisi gak case nembiak aku tok, apoo. Sigi apoo belama aku meda bala sida tok. Datai sekula enda ibuh sebut, kereta ukai jai-jai TOYOTA. Aku tok bedau tuleh tebeli kah kereta. Kumbai aku tak nyulut endar dalam kelas. Dah buruk berunding. Beri aku drawing, kadang-kadang enda cukup dimension beri aku, laban ku ngasuh sida berunding kediri, lalu ngitung kediri. Ngai meh ngira nya. Lalu madah susah. Padah hal kira ngena calculator aja. Tolak-tolak aja. Enti pasal online enda ibuh sebut, nama nadai kelas, sigi di lobby belama sida peda aku.
Tadi, bisi 2 iku nembiak betemu enggau aku, "Sir, amat kena bar ari kelas sir kah?", "Sapa madah?", aku nanya "Sida dalam kelas madah ngagai kami laban selalu enda datai kelas". Apoo nemu gak ko aku. Nama kebuah enda datai ko aku nanya. "Jujur aku madah sir, susah ka dani tumu" Apoo, ko aku, nadai meh aku ulih nulung. Nama cukup limit, bar aku meh ari kelas. Ukai enda nemu, responsibility diri empu gak sida nya, nama agi di kangau ka sekula, sekula meh pengawa. Anang nyau ngelelak kah diri enggau pengawa bukai. Kada umur agik bisi, duit bisi gak kena kah sekula.
Pulai ngagai case nembiak aku kah ngaga final year project. Bisi 5 groups enggau aku, 3 groups nyambung kah lama, 2 baru sem tok. Siko agik nyambung ari Lecture lama kah suba, aku pan enda nemu nama utai gaga ia nya. Laban aku minta report chapter 1-3 ia, sampai kah saritok sigi nadai diberi ia ngagai aku. Apooo, iga gak ngenusah nya meri ngagai aku. Aku minta softcopy, ukai nya hardcopy. Susah amat gak ka copy, save dalam pen drive, lalu meri aku copy report nya. Udah sarinya aku betemu enggau ia, aku nanya ia, ni report nuan? Nadai temu tungga ko ia. Apooo, keni nuan ka nyambung enggau report chapter 4 engggau 5 nuan ila dah? ko aku, tak lesey-lesey ngapa pengawa. Aku ka ulung ia, ia empu enggai nulung diri empu. kati dah? Nama pagila ia nadai gak betemu, meri aku report nya, sigi fail aku terus ia. Semak sebulan dah progress nadai beri ia ngagai aku. Keni deka menilai sida baka tok? 2 groups kah enggau aku nya pan kenya. Groups indu enggau laki nya. Group laki nya enda ibuh sebut, sama baka case kah siku nya beri aku, sigi di failkah aku meh ia ila, enti nadai apa-apa progress. Indu nya pan kenya. Nama gak sida tok nadai ati nangi, nadai ati irau ka sekula sida. Nadai ati ka abis sekula kah sida tok? Tak utai nya belama meh dalam runding aku ngagai sida tok. Baru naka diploma, agik panjai amat pejalai. Apin agik kah degree, master, phd .. apoo. Enti sema masuk degree, sigi sengak, sakit jantung belama sida tok nama exam sangka ku.
Enda gak semua sida kah baka nya. Tang nya meh utai ka tampak. Bisi mega kah ka sekula, rajin dalam kelas, betanya, tang nama pansut ari pintu kelas, apoo, nadai meh nya ngerunding buku agik. Engka tak pansut kelas, utai ka pelajar lalu tama untak kini. Ngarap utai ajar aku dalam kelas aja. Nadai meh nya nemu, research kediri, ngiga utai ka lebih agik. Nya meh utai ba runding bansa kitai. Ukai gak madah diri manah, mereti ari semua orang. Tang kitai, enti ka maju, mesti kitai ka bisi runding, ngerunding kena ka nyulut ari orang bukai.
Ukai mina nyulut ari bansa diri, tang nyulut mega ari bansa bukai.
mupuk dulu aku,
Regards,
No comments:
Post a Comment