Ari kemari ...

Selamat pagi bala kaban,

Saritok aku tumu datai opis, enda gak tumu ndar, kira tumu 10 minit ari kah selama meh nya. Demalam aku ka update blog aku tok, mayuh amat pekara ka di pansut kah aku tok, tang gak enda sempat. Pama amat gak lemai kemari, jalai jam, nyau laun datai rumah. Mayuh amat gak kereta lemai kemari, engka aku salah jam pansut ari opis kini. Selama tok cun-cun pukul 5 aku ari opis, nadai entu mayuh kereta. Kemari laun mimit laban mekang-mekang pengawa. Tambah mega bisi sida uncle polis ku datai ari Saratok, ia laban bisi kursus. 2 lemai udah berunggu orang sponser makai luar, nyau nama datai rumah lalu nadai ari muka laptop. Bisi gak update facebook tang ari handphone.

Nyau enda berasai saritok hari 4, asaikah kemari hari 1. Abis gak bulan 9. Minggu baru masuk bulan 10 gak kitai, nyau 2 bulan agik tinggal tahun 2011. Ngintung bulan belama meh pengawa aku, enda sabar agik ka krismas enggau tahun baru. hoooha, panjung pandak dulu, ujung tahun ila nyambung panjung panjai agik.

Apoo, siko agik kaban kami resign ujung minggu tok. Nenakoo meh nya. Tengah tahun sarinya, siko gak resign. Bisi utai enda puas ati meh nya, nya ningal kah pengawa ditu. Enda ibuh di pejurai lebih, parai aku kena saman urang ila, nadai duit kena aku mayar. Mayuh setak, mayuh sintak perlu di pebetulkah dalam hal tok. Tang enti aku, buleh offer baka nya pan aku resign. Apoo, nyau semak 2 kali ganda gaji sapa enggai. Sigi tau lalu kawen laban nya, tang apin gak hilux dulu. Panjai cerita hilux.

Amat ehh, enti aku buleh offer baka nya nadai aku berunding panjai, sigi notice 24 hours aku laban nya. Sanggup aku mayar sebulan gaji, pelaburan jangka panjang. Dalam setahun nuan uleh buleh 2 kali ganda ari kah diatok. Ukai nyamai ngiga pengawa diatok, ni bagi bisi rezeki kah datai, nya di pujur kah, enggau syarat, gaji niki. Dah bisi isu baru, kerja swasta uleh kerja sampai umur 70 tahun. Apoo, kemaya lah kah niki pangkat enti kenya. Sampai tuai meh nganti sida nya nyua kah penuduk sida. Umur nyau lalek nya mamau, keni ka kerja. Minta ampun, ibu, minta ampun aya, enti bisi salah jako. Tang sigi amat. Kadang kadang idea sida bisi, tang enda fresh. Bisi gak chuto, enda ibuh ku nyebut, parai kena saman orang ila.

Pagila cuti ku kenu ko jako, tang enda nemu, approve orang enda kini cuti aku. Enti nitih nadai jalai enda approve, laban sigi cuti aku. Agik mayuh, sayau kah enda kena. Tang pagi sigi agik datai opis gak aku, bisi pengawa, lemai enda uleh enda, bisi urusan seri paduka baginda aku. interview? hehe ukai lah pengawa bukai. Ila aku madah. Nyampau meh, lama udah orang nadai ngangau interview, nyau rindu ati ka interview. Niki nemu bisi rejeki, offer orang kerja gaji 10k. Ka enda bepusin leko mata laban nya. bebini 4 tau laban nya. hehe nadai lah jako tundi aja, parai pumpong orang enggau kapak enti ninga tok, enti pandam semepap enda ngawa. Agik uleh pasung.

dah, chow enda lama dulu lagi nyambung baru.

regards,