Sinu amat asai ati aku lemai tok.
Lemai tadi, maya aku nge'post' blog nyau naka pengantuk mata aku. Ka amat tinduk. Ka ngelap kenu ko jaku. Ngelap enda lama. Nemu nya nyau enda uleh telelap kah diri. Bedau 15 minit aku ka kah tinduk, datai siti sms ngagai aku. Ari martha (kaban sekula primary aku suba). Naka tekenyit aku macha sms ia. Ia madah kah kaban sama sekula suba udah nadai. belantak ba simpang saratok ia ko. Naka pengenyit aku ninga rita nya. Mata kah ko tinduk, lalu enggai tinduk agik. lalu be'msg' meh aku betanya kah kaban bukai, engka tak Martha nya saru.. saut Mark enggau Ales pan betul gak.
Sinu amat ati, aku ngenang. Naka ka agik sekula primary suba agik betemu enggau ia. Udahnya nyau sampai kah diatok nadai agik betemu enggau ia. Sekali buleh rita ia nyau udah nadai.
Petara sinukah ia agik mehnya, nadai ko enggau ia. Pengerindu enggau pegingat kitai begulai menya sigi semampai di kenang berari. Arapkah ia lantang datai di menua baru ia . . . . amen.
7 comments:
Ben,
Lemai tu tadi aku fon sida apai aku di Kuching din. Nya apai aku madah ke, randau biasa kami duai tadi, ipar cousin aku ke benama Jeffrey, accident enggau kawan ia di simpang S'tok. Aku enda kala meda ipar ia tu, tang Jeffrey tu 1st cousin aku.
Ka apai aku, ipar ia balat bakal udah dibai ke hospital. Enda ga aku nanya hospital ni ga. Tang kawan ia ke enggau ia dalam kerita nya, kira ke nadai ulih di selamatkan. Balat endar ga, betempuh enggau 4 wheel drive seduai ia, salah jalai ketegal driver siku nyin mabuk, ka berita. Tudah kawan ipar cousin aku nya (nyu betusut)classmate anak cousin aku siku ga. Nya ia! Anak cousin aku nya nama ia Mathilda Rachel Imang. Bibi ka kami ngangau ia. Ngelala ke enda nuan? Tudah tuai balat meh nyabak ka apai aku, laban kira ke kawan rapat ia agi sekula kelia di Saratok din.
Meda post nuan tu tadi nya aku, ka madah ke nuan pasal tu. Nuan ga ngelala ia ke udah nadai nya. Amat sinu ati kitai ngenang ke mati agi biak baka nya.
'May he rest in Peace'
sabar meh cak, dah pengidup kitai mensia. pemati nya meh tuju kitai. nya meh destinasi penudi kitai mensia. mina kitai enda nemu maya ia ja.
baka aku empu meh unggal. kaban aku empu, baru begulai sema ka jaku malam tadi, pagila msg datai madah ka tudah dah nadai tegal accident nya meh..
kitai ka dunia tu besampi meh ka sida ke dah pegi nya. nya aja kaitai ulih awak ka sida ia lantang senang ba dunia din.
bj lemambang lemai: nya meh, sigi udah datur petara meh nya. Mina tak uleh besampikah ia lantag datai menua baru ia.
lyana: Bibi anak cikgu imang nya kini? Enti Cikgu Imang ngelala aku, pengajar kami suba. Nya meh, sinu amat aku ngenang laban kah agik biak. Kaban indu kah be'sms' ngau aku nyau enda berasai nyabak ko sida ia. Lama amat udah enda betemu, enti betemu bepansa ba pasar saratok, laban aku kah nyau pulai ngagai SMK saratok sekula suba. mina uleh besampi kah ia aja tok ditok. Petara balat agik sinu kah ia, dulu ngambi ia. Amen ..
Endang sigi amat, ajal siku2 kitai endang nadai semaya. Besampi meh ke ia ke udah mupuk dulu ari kitai semua, ngambi ke roh ia lantang agi di dunya baru ia din.
Au, Bibi nya anak cigu Imang. Cigu nuan ia suba pia? Indai Bibi cousin aku. Cousin betampung pala, ka urang. Apai ia menyadi indai aku. So, kena niece aku meh Bibi tu.
aouk, Cikgu kami suba nya. ngajar kami form 3. Rindu amat dajar ia.
aouk, ngelala aku bibinya, meyadi ia vera (kami ngangau maya sekula suba), sigi bekawan ba St.Peter suba.
bisi ari ngagai saratok, nemuai ngagai menua kami.
MERI PENYINU ATI AKI & FAMILY NGAGAI KITAK... ARAPKA KITAK NERUSKA PENGIDUP KE AGI BEDAU TU
Terima kasih akituai.
Sigi utai udah datur petara.
Post a Comment