Nama pengawa saritok?

Puas ka duduk dugau-dugau ngaga pengawa, nyau ngeruding bala kaban. Lama amat udah enda betemu ngau bala kaban lama. Laban maya pengiruh nyau enda sama agik baka suba, nyau susah amat ka betemu, berandau ngau pangan diri. Maya cuti uleh gak chat ngau bala kaban. Nya pan nyau jarang, labankah maya cuti sigi pulai menua magang. Nti aku pulai menua, laban kah udah diau rumah panjai. Sigi nadai line. Ba belakang rumah bisi meh line, tang lembau amat ka betan kah talipaun ngiga line. Nya kebuah maya cuti, ndar tak ngatikah sidi gak asai ia.

Ngenang bala kaban tok, bisi aku siku kaban, 'sanu' meh nama ia. Ukai madah kah penyai ia, tang 'sanu' tok kelalu enda ingat kah kaban diri. Maya ia kediri, nadai orang sepiak-sepiak ia, baru ia kasak-kasak ngiga kitai. Enti nuan msg. 'sanu' tok sigi enda di balas ia. Nadai ngira nya, msg berat taukah enda berat. Sigi mayau Kredit msg ia. Jerak asai, Aku ndar sigi ngai ngalau kaban bakanya, Sigi dulu aku muai no ia ba handphone aku. Kapa aku agik nyimpan. Bisi maya ia msg kitai ila. Diatok bisi meh ia kaban, ILA? petara aja nemu.

'Bosan, mat saritok. Nadai orang ngau bejalai'

'jai amat bala kaban ku. makai pan enda madah'

'BOSAN ! ! ! ! ! ! ! ! ! ! !'

kenya meh gaya msg ia ngagai kitai. Suba agik di reply, laban ngenang kah kaban diri. sama semenua. Jerak asai, kapa aku ka reply msg. ia agik diatok. lumor hp. ia pan udah ku buai. Sarinya, bisi hal aku msg ia, sampai saritok nadai di balas ia. Ka madah kah nadai kredit, enda patut gak. Laban aku sigi ngelala ia ndar selalu bisi kredit. Tang enda ngawa gak. Petara bisi malas kah kitai.

Nyeah lapa, bisi maya nuan tengut-tengut tingang penusah beguna kah kaban, nadai orang sepiak-sepiak nuan. Keni asai ati nuan?