Gawai around the Corner!

Enda berasai, nyau udah setengan tahun tahun 2011 tok. Asai kah baru kemari ninggal kah tahun 2010. Sedar udah gawai gak. Nyau setahun gak udah aku ningal kah pengawa aku di Bintulu. My last day working at Bintulu on 31st May.

Nyau nadai asai agik gawa tok, tetengut ka pulai gawai. Cuti sigi udah di approved semak 2 minggu kemisi, berasai pengelembau pulai gawa ila. Ukai lembau nama, sigi lembau ka dani pagi nama udah lama enda dani. Tapi di rumah panjai sigi tumu belama dani, sigi udah rauh-rauh wai fm nama suku udah pukul 6 a.m.

Arap gawai bala kaban belayan tahun tok mujur. Rega getah manah gak bunyi, ari pan nadai meh beduan dua tiga ari tok. Manah belama. Enda patut gak bala menua nadai tulih ka getah seminggu tok. Gawai pan agik gak jauh mimit, agik bisi seminggu ka datai. Tang, seminggu ka datai, nyau reba diri bala ka diau menua, laban bala majak datai. Angkun meh nya, nyau nadai ari nurun nangkal.

Aku pulai tumu tahun tok, tumu minta cuti. Ukai nama tumu, nembiak sekula pan abis sekula laun tahun tok. Nyau sampai 29hb enti enda saru aku. Pulai tumu awak kah enda besekut enggau urang mayuh nama udah ari lima, mega ukai bisi utai gaga agik di opis, masuk gawa ila lalu start gak kelas, nasib Amir bisi nganti dulu, maya raya ila aku gak nulung ia. Sida madi aku pan laun meh pulai ari Bintulu. Laban laki ia agik gawa gak, kada enda 31hb nya orang pulai. Aku tok meh dulu merunggu diau di rumah. Sigi nyadi dreba meh aku tok ila, ngulu kah orang nurun kepasar. Nya meh pengawa kah diatok.

Gawai nadai gak pengerami, tapi rindu ka gelumu diri sebala. Lama udah nadai gelumu, last suba maya CNY, nya pan nadai mayuh bala datai. Arap gawai tahun tok bala sampal datai. Gelumu bebala mayuh. Laban kah ukai enggau orang ngirup, makai sigi enda tagang. Heheh …

Ngagai Semua bala kaban belayan-diri sebala Iban, aku enggau basa ngari kah kami sebilik, SELAMAT ARI GAWAI DAYAK, GAYU GURU GERAI NYAMAI,LANTANG SENANG NGUAN MENUA. TUAH BELIMPAH ARI TAUN TI KAH UDAH.

regards!