then ...

Lama udah aku nadai nyenguk ngagai blog aku ditu. Mayuh gak gambar dambi, ka di gaga ka cerita, taip ba blog, nyau nadai ari gak nama udah datai rumah. Nyau rindang pengawa bukai. Ujung-ujung nyau bari gak gambar ka di ambi, ti ka jadi ka cerita bala ensera.

Nguji kah malam lagi, duduk dedugau, diau rumah. Nasib gak pagila premisi. Tajapan pan sari, pama meh, ulih kah kena dani laun. Ukai enda, naka pemuruk mata aku seminggu tok. Engka laban liri kelalu cukup tinduk lebuh premisi raya sarinya kini. Di rumah sarinya ukai nya aku dani laun, nama udah pukul 630am sigi udah start radio (waifm), mak enggau dadi rauh-rauh. Tang gak tumu tinduk, pukul 9 kadang-kadang udah tinduk.

premisi 3 ari tok, diau ditu aku. Nadai pulai ke menua. Baru pulai sarinya, bedau seminggu, pama diri gak deriba, pedis rekung bai deriba. Pulai raya sarinya ukai enda, enda kala-kala aku pedis belakang bai deriba, pulai ka serak tok pedis belakang. Suba maya kah bedau nemu deriba, selalu madah, "Lelak amat gak deribo Di', nyeah dah diatok, baru ngasai. Amat lelak.

Untung pulai menua serak tok tadi, laban bisi nemu buah. Lama amat udah aku nganti buah engkala. Bisi pulai sarinya, pama meh kena mantup kah tenguk. Engi kami ba kebun, bisi bebuah, tang gak udah dibunuh dadi pun engkala. Laban ka ka ti tiris ia tanah langkau nya. Tambah mega, nadai orang ka niki. Bala kami ukai ka nulung niki. Engka laban enggai makai buah engkala kini. Nyau nanam ka dempa bala burung. Tang manah gak pun buah engkala nya bisi, bisi ka ngayung undur nya dia. Tang nya meh ngacau pengawa dadi.

Mayuh amat gak pengawa dadi, nya nama aku pulai, sigi tak full diri gak hari aku ka di menua. Enda ibuh aku susun, sigi tak penuh kediri nama pengawa di gaga. Pulai kitu baru (Kuching) ukai nya tembu pengawa ba menua, agik mekang-mekang. Nya meh, rindu gak sepi aku. Nama tak pengawa, begulai enggau tanah lantang asai ngaga pengawa. Tajapan lelak, asil ia peda nuan. Nadai gak tak mesai ni pengawa, tang tak sigi rindu bekisuk-kisuk sebelah nya tanah, sebelah langkau enggau dadi.

mupuk dulu aku, bisi ari malam lagi, aku nampung panjai baru. Bekenang ka pejalai pengidup.
 

Let's Start

Pagila start aku cuti, yeahh pulai menua. Seminggu aku cuti. ;)

For those, ka celebrate Raya, I wishing you all, Selamat Hari Raya Aidilfiri!!

Best Regards,
My Family & I

keep waiting

Dadi selalu madah, giga peluang ti bisi, ambi maya ka bisi mansa. I'm keep waiting, and keep looking for another (huge) opportunity.

amen,

Pengidup Lansaka Runding

Hooha, baca tok dulu,

lawa mih dunya kemaia dia,
sema ko jaku Janang Ensiring,
Dunya tu Panggau Pengelulu,
kin kia ngembuan daya kediri empu.

bisi sehari nya aku bejalai,
ngelawa palan urang rindu bejalai lemai,
Taman Sahabat penatai diambat,
ngumban ati aku badu beraie.

bula mega tuchum tu enda reraie,
buta mata tu nyema diri nadai nyida,
umur berubah penemu betambah,
runding ngejang dunya mansang.

runsing pikir ngenang dunya,
kemaiatu bebela landik udu maju,
pemansang meransang nuju pengidup,
diri mega ngiga jalai beridup.

ba palan simpang pengidup,
kala diri tu teterap lalu tetungkam,
labuh senentang penguji ngelungkup,
ngelaban dalam petang tegayam.

tanya melilih lebih ari saut,
sesedan diri deka nyaut,
kelalu mayuh leka nyeruga nanya,
ka nemu kuing ke patut endur bedaya.

pemayuh runding merinsa ati,
ka lebu mina angat sekali negu,
ka untung mina sekarung,
tang rugi lebih seguni.

dini ati enda tasah,
didi ati enda ngeransi,
tunga kiba ga salah,
tunga kana ngasuh bebadi.

ingin ati kuing kiba,
utai merindang ngasuh tebelenga,
gelumbang penguji mayuh nguji,
meseti dikembuan kering ati.

bintang berintai ba langit mingkai,
pegari manchar ayuk aku bejalai,
nujah jalai penuh duri munti,
pajak bakanya ngemudi diri.

simpang pengidup mayuh cabang,
bisi paya bisi tebiang,
iya ka paya dulu merinsa,
dudi baru teulihka penyenang,
iya ka tebiang nya dulu lantang,
tang nesal ba hari ila.

ah dih tusut mih runding,
buai mih ati kaju kaja,
nempuh penguji datai nuntung,
bepenemu, pintar idup, diri menyana.

Ngelansa Buah Runding :
buah runding dipeda ari karang kaban sebuat,
tak rindu ninga munyi tusun leka betuat,
kaban digela Fabian Halley Pata,
urang Saratok jelan gamal tampak rita.

Nemu enda, nemu enda meh aku enggau leka jako kaban aku tok. Nangkap enda nangkap enda meh aku. Tang rindu ati maca. Endar semampai nemuai ngagai blog kaban aku tok aku, rindu macha leko jaku ia. Engka laban penatai menua nadai jauh, bunyi pan agi sama. Tau endar gak gaga kah leka lagu, ;).

Tok blog kaban aku nya, Erwinner Elsy Entring ,

Peturun Apai BuahKenang,
nadai pengelandik bejawang,
ukai mega manang begaga ka sakang,
mina leka aku ditela dikarang,
ka pengingat bekau tudah nyingkang.

Nya pantun ia, semampai buah leka jako ia, ba pengujung blog ia. Ba, nama kita bisi ari ngelawa blog ia. hooha ....

regards,

Match

Kitai ndar enda ulih ngansak orang deka kah kitai, kitai mega enda ulih ngansak orang enggai kah kitai. Tang nya meh, pengidup kitai siku-siku. Endar bisi maya kitai sigi bisi labuh pengerindu ngagai orang. Nya meh maya kitai berunding, pemaik, budi orang nya enggau kitai. Engka buah runding aku enggau kita enda sama, lain urang lain gak runding. Enda ko bunyi jako bala sekeda, "kalo buk jak sama celum, ati enggau runding sigi enda sebaka". Tang aku enggai enda bejukai kah runding aku empu gak. Laban lain tungga ai, tungga pedatai, lain gak munyi jaku.

Majak nambah umur, majak kitai tanya orang, "kemaya ka bebini?","kemaya ka tama lelabi?", tang nya meh, ukai tak mimit utai ka runding ari pengawa kenya. Enda ibuh ngira belanja, ka kena ngerami nya. "Tugung krik, enti enda cukup tinggi enggau pengantin sigi enda cukup" tang tok ukai ka wajib, ukai ka semesti ya, tang seruran kena kitai nyema ka gaya pengerami deka digaga.

Pekara ka dirunding lebih ari pengawa ka ngerami nya. Lebih agi. Runding kitai deka panjai ari pengerami nya. Ukai tak deka, maya pengerami, maya sms, madah diri deka segulai sejalai. Tang mayuh utai ka bukai agi. Bisi enda berunding, "sanggup begulai enggau apai indai orang ka jadi enggau kitai?". Tanya tok amat senang saut, tang nama tak enda ulih, amat susah. Alah enda baka sema kitai "ka lari ka sungkup, tetemu ka pendam, ka lari ka ribut tetemu ka kabut". Nya meh ia, dua-dua sama susah enti utai tok nyadi. Ukai gak tak ba semua utai tok nyadi, tang selalu ka sema orang nama ka bejadi. "Nama ka kah anak, ka gak kah apai indai". Nya kah bedau jadi. Enti udah jadi? Ukai mimit gik nya. Mayuh amat utai tau tebantai. Ari ka bekuruh bai tinduk pan tau ngasuh belaya. Nyeahh deh lapo?

Enti tak ba senentang aku empu, asai ka betul meh semua runding. Ngena amat udah munyi, patut endar utai gaga. Tang nya meh, buk kitai amat sama meh curak celum, (ka ngedye nya, enda meh aku nemu ka manding), tang ati siku-siku,sigi semampai lain-lain. Engka aku enda ulih nitih nuan, engka nuan enda ulih nitih aku. Mesti bisi cara ka mutus ka utai baka tok. Enti sama bai ati ka kering, ati keras. Semampai nadai meh ya pengujung. Enti nyau sama-sama ngasai diri udah kering, nyau baka Loki, dia meh penyarut tau nyadi.

Ukai semina tau bibat runding. Tang pemujur pejalai bungai ka ngerembai nya tadi pan mesti ka titih. Enda tak nyau majak kah diri, tang enda gak tak nganyut kah diri. Nganyut kah diri nya susah. Bungai layu pan tau di kumbai ngerembai. Nyeah deh lapa engai enda anyut. Enti di ai Krian anyut, dempa baya. Mesti ka nemu siku gaya siku meh nya. Ukai tak main dembal ngapa. Siku tok baka manuk, siku tok baka serati. Enti manuk enggau serati di pegulai kah kadang-kadang ka gak nyadi. Nya meh ia, sama nemu cara ngulai kah ia. Enti susah guring kah sama, awak kah kerup-kerup dempa ka tulang. Nya baru ngam enda ko kitai.

Begulai sejalai tok, ukai semina berunding betutup ka lampu maya malam. Tang runding lebih agik ari nya. Runding pesuk ngagai enti lampu nya nadai. Nya, nama penyadi enti lampu nya nadai? Maya ka masang ka api, meda lampu nadai dia agik.

Nadai salah kitai pengabis ati, pengabis keran. Enda ko baka lagu Ngalai, biar bekikis abis bulu betis. Tang anang gak nyau kelalu. Enti nyau sama-sama keran, nyau kelalu susah cara nya. Indah kena jaku sema orang, baka belangkas. Enti nyau baka belangkas, jampat amat nyadi buah leka jaku orang. Nadai tau salah singkang, salah pikah mimit. Sigi ka nyadi buah leka jako orang meh kitai.

Mayuh utai runding nama kitai ka kahwin. Ukai tak semina ngerunding, pengering enggau penguat. Tang naka pemayuh, ari ujung siti ke ujung siti, ari ili ke ulu.

ehh, anang gak ngambi ati, laban tok semina utai ka kongsi buah runding aku aja. Nadai lebih ari nya. Kena ngajar diri empu meh nya. Ni ka betul sama perunding kah kitai. Nama kah salah, beserakup gak kitai ngemetul kah ia. Nadai utai enda ulih putar pelaba aku, enti kitai sama serakup.

Mupuk dulu aku, ngagai kaban aku Luna, selamat pengantin baru kaban. Nyau udah ngejang menua Kuching tok ila, anang enda ingat kah kami ditu.

regards,