Rain, Rain GO Away.

Baru badu telepon mak ku tadi. Nadai telepon kemari, saritok telepon aku. Labankah jarang beselang telepon ngagai mak aku. Enda aku, mak aku gak telepon aku. Enda nemu nama kebuah saritok, tak sinu asai ati aku bejaku ngau mak aku. Kelebih agi, ninga dadi aku nyau nyampuk-nyampuk ari belakang.

Amat lain meh gaya kami menyadi. Lain ndar pendiau ari urang bukai sepi aku. Madah kah enda bebasakah apai indai, bebasa gak. Nemu gak sinu kah apai indai baka anak orang bukai. Mina pendiau tak enda sama baka orang bukai. ENGKA LABAN KA NYADI UNTA, nda ko inek aku.

Kami sebilik ndar enda setuju utai baka tok. Tang gak utai udah dipilih ia. Ditagang lagi, ukai agi anak mit gak, udah tuai nda ko apai aku. Nyau abis ai liur bejaku nagang, utai gak kedeka kah ia. Nyau ringat kah di tagang orang. Arap kah ia bahagia nda ko orang, anang gak agik udah tok ngenusah kah mak ngau dadi.

Arapkah Tuhan selalu begulai ngau nyaga Mak ngau dadi. Aku endar MISS BOTH of YOU so MUCH-50-50- MUACHHH. . . . . .

Sleeping Beauty.

ApOOooO . . . . buntau amat asai mata tok. dasuh tinduk kah ngai gak. Udah nguji gali tadi agik gak enchelak leka mata. kaban aku meh nya. Bendar amat betali paun demalam, kenyau pagi tadi. orang baru bisi bulih ambai mehnya, ndar sigi gaya ia gak nda ko Rovina. CEsshh, betulkah Rovina, sy tidak tau ....
Amat ngumba amat gak enti beambai besulu bakanya. Maya jam kah tinduk enda gak tinduk. DESPERAD ndar gak nya, hehehe ... Nyau berambis kredit betali paun. Ukai gak jeles, tang ngenang ia aja. Laban enti ba runding aku, labankah sama udah ka, enda ibuh kelalu gak nyau betali paun ngau pangan diri. Maya kah agik bisi duit tok agik meh uleh relod, ujung ila nyau nadai duit, bendar bekelimat, nyau betancang perut mengabaikan kesihatan nda ko laut, ujung ia makai maggie ila. Maya kah bisi tok lah kitai bekelimat, utai kah enda penting tau enda ibuh gak dulu, hidup dalam kesederhanaan enda ko laut.

Aku ngelala ia tok ndar-ndar. Jarang cukup nama ujung semester. Manah datai tengah semester. Lagi kasak-kasak maya beguna kah duit. Udahlah sigi nadai penatai, diberi apai indai agik. Nemu-nemu lah kitai control, ngurus belanja diri empu. Utai kena ngai jai-jai, ndai kelas nda ko ia.

Ukai gak madah diri manah ari orang bukai, tang ngenang. Syukur ngagai Tuhan, ngau pengidup aku. Nadai gak asai udah bebasaukah duit apai indai. Minta utai, apai indai manah nadai duit, enda gak meli. Ingat kah jako seduai ia, pemakai nadai ngawa,tang anang gak nyau bebasau. utai kena enti enda tau, tau enda ibuh.

Kelebih agik diatok rega barang balat ndar niki. Nyau sinu meda bala kitai Iban di menua, nyau sengapa orangkah bejual meri rega. Rega pemakai utai tupi, enda ibuh sebut. Sebedau aku pulai sarinya, ngau apai aku meli, niki rm4 magang. Baja ngau racun kena belada sama jak nya.

APA BOLEH BUAT . . . . .

BULAN tok ..

Buku di baca aku bulan tok. Beli aku maya kah ka pulai kitu sarinya. Nyesal aku enda meli mayuh agik buku cherita Iban kah bacha aku ditu. Tok pan udah tembu gak bacha aku.
Mayuh bala kaban nanya pasal buku tok, bendar gak aku translate ngagai sida ia baru. susah amat asai ka translate ngagai orang.

APA kau RASA, OREN?

Datai sarinya, bendar amat bekemaskah barang. Balat ndar bala sida debu. Bebendar endar aku ngelap debu. bedau agik betusun kah barang kah melera. badu bekemas, bendar amat tinduk. belelak laban kah bekemas. lapa deh, nyau nyadi sawa kah tinduk.



Perasan enda kah almari akunya tebalit tusun?
hahahha . . . . . . . . . . . . . . . .

Palan PC meo endur bepangaikah barang. haha, sori meo enda nya kamah dah. Bendar aku dah ngelapnya dia. Nyau seinci penebal debu ..

Pagila kami cuti. Nadai ko ngau ia meh, enti kah nadai cuti. hehehhe ...

Sarawak HERE I come !

Pengawa aku sekumbang kah premisi tok tadi. Enda berasai amat cuti 2 bulan. Tajapan nya nadai pengawa, nadai berasai jam kah bepusin.

Minggu ke-1

Datai aku ba menua, terus taban kah sida BOS aku ke Bintulu. Lapa deh, mayuh amat pengawa ka digaga nyau nda nyadi magang. Nganjung pengelelak ke Bintulu, bai orang ke Gua Niah. Asai kah di sayat kaki bedarat ke dalam. Rindu gak, lama udah enda masuk kampung. Agi mit suba ngau orang ngembuah ke kampung. Ringat orang ngai mai,. Ujung bai orang gak.

Minggu ke-2

Aku nemuai ke ulu ngagai Inek aku, lama udah nda betemu ngau ia. Lapa deh, lu ke ulu aku ngau kakak aku. Ngelaban ujan bedarat ngai langkau ndur petungal aku. Pagi siti lalu bai orang ninduh neh .. nadai mayuh uleh kami, laban kah baru duleh kah sida ia pun bulan sarinya..

Tok ia MOTHER-KONG kami. Kaki manuk ajak nya bejalai ba babas. Kami engkakai-engkakai bejalai ba babas. Bedau agik kah telincir maya hari hujan, jera asai nda ko petungal aku ka biak. Toki a gamal ia, naka penyikar ia nya bejalai ba babas. Ndar ngemajak kah diri. Nadainya irau kah semada deh.

Nama ia? Manah nama orang, nama aki icit aku suba ..
Matius Kuting, nama Iban ndar-ndar.
Steady you!

Minggu ke-3

Duduk rumah panjai jak, nulung Dadi + Mak bekemas .. fuh, penat amai. Bebuai kah bala debu+pukat empelawa sebelah teluk. Nyau ka Gawai, meresi rumah meh gik. Ujung minggu ia, bisi kawin ba rumah panjai kami.

Nya pengawa aku dah, muka langsir aja.. hehheh
Selalu kena lara asuh orang bekemas, nadai kala beratur barang aku. Gelas sengapa aja endur. Maya ka bagas, bagas amat lagi dah.

Haha, ndur PC dadi ku. Jadi ndur aku nugung barang di rumah. HUHU, nama aku datai rumah terus jadi hak milik AKU pc dadi aku TOK.

Selamat Pengantin Baru ngai Merara.

Selamat Gawai Dayak, Gayu guru gerai nyamai lantang senang nguan menua. HOOO …

Tok ia bala pengabang dadi ku. Kumbai naka tok aja bala ia kah agik datai, agik gak sebuat agik datai lemai. Sida Inek aku datai ari ULU nadai dambi ku gambar, nyau basah udah tubuh naka pengangat sarinya.

Sis, gayu guru gerai nyamai lantang senang nguan menua. Selamat gawai sis, bulih laki anang enda madah auk ..
Lebih-2 agik orang bintulu (Sapa nya kini?).

Minggu ke-4

Pewitt , petungal aku kawin wasehhh! Kami sebuat ngau orang niki, niki rumah orang beguling Betong. Nyau perencing bala mua, laban kah nyau beminyak ari tengah ari bekejang ari rumah (di Saratok).

Gagit amat asai ati niki rumah urang, ngau urang bebisan kenu ko jaku. Cehh ..

Steady YOU .. indai biak ku, Inek ku, Indai ku .. Baju ijau (menyadi indai ku gak ) nadai keda peda (Steady MUGARI)

Bala kami sepetungal dugau-dugau ba ruai nganti kah makai malam.
Inek aku madah kah bala petungal indu ku nyadi laki. Duduk ngau kami ba atas ruai. Lapa deh, sigi nyadi gangster bala kami ti begelumu… wadeh !

Lapa deh, bedau ambis pengawa urang, petungal aku bedau gik nyadung ai kawin ia, udah kami sebuat bekejang ari rumah panjai nya. Asa amat, nyau lenyau pogram ka ngansar kah kaki. Ransing kah petungal ka kawin kenu ko jaku. Kenya gak gaya orang ngau kami. Arap orang manah ngau ia, ukai mina kah baru kawin tok meh. Arap kah sampai ila. Nya gak utai kedeka kah ia.


Ndai ko ngau meh utai Kenya, utai kah di pilih ia. Arap kah ia senang begulai ngau keluarga baru ia. SELAMAT PENGANTIN BARU SIS ….
Bajik amat nuan peda aku malam nya.
.

.

.

.

.

.

.
Daaa ….

Anang nda ingat kah diri sebala udah pulai ngai orang, anang enda ingat kah bala diri. Nyamai ni pan pengidup baru, kingat kah meh ari ni penatai diri kitai. Agik mit menya, nyau begelumu kitai tinduk pulai gawai. Nyau rah-rah nyawa Inek begantung kah kibung kitai, apin agik ia begiga kah pua ngau pangal kah kena kitai. Bedau agik kah selalu kena anu Niang Inek Tua’ laban selalu ngencuri daun ruku ia. Tambah bedau tinduk menya selalu amat Niang Aki Tua’ ngaga telu kukgo maya ia kah nginsap. Nyau bekedugau bala kitai begelumu maya ia kah ngaga nya. Pengawa jemah menya meh nya, rindu amat maya Gawai. Diatok nyau udah beteresak diri sebala ngepun kah gaya pengidup diri. Siku kia kah runding, siku kin kah runding.

Ngati kah diri magang meh kah diatok, ngarap kah kami sebuat mujur dalam pengidup kami.

Selamat gawai semua.

Minggu ke-5

Nadai pengawa. Diau di rumah dugau-dugau nganti ari kah malam. Malam hari tinduk gak pengawa. Amat nadai pengawa ndar-ndar udah abis gawai. Maya duduk ba rumah, bebuka kah album gambar menya meh aku. Apin gak menya ndar, mina kah lepas 4 tahun menya. Lucu amat asai meda gambar menya, lalu di scan aku, lapa dah. Bala diri sekaban pan nyau betelesak sebelah dunya mai pengidup diri. Bisi kah udah abis belajar, nyau gawa gak. Rindu amat udah bisi duit kediri neh, ces! Nadai lama agik aku dah, setahun dak gik. Arap kah mujur meh.


Rangga terlebih sudah, mentang-mentang bisi _ _ _ _ _.
Jesel tetap maintain senyum mengoda dalam diam (ada maksud gak tu). Basil ndar bender ngontrol diri begambar (ukai aku madah, Mark). Mark, ukai salah aku. Pei, Deaby majak gemu nuan? Dunging orang kah empu pengawa, steady kaban.

Ngau bala sida jumpu. Bendar ngembuah kah diri di menua orang. Nyau nadai ari ka betemu maya premisi.
Jumpu baju mirah chirak-chirak udah kawin wai? Anang enda madah kawin wai, ka janji diri datai ngai gak janji. Tang enti bisi ari sigi datai aku sis. Ka baju chelum bedau kini? Steady YOU!

Minggu ke-6

Nadai pengawa agik. Ndar sigi gaya udah gawai, ndar nadai pengawa. Lemai-lemai ngau orang ke kebun gak, ngumpul lada, enda ngumpul lada ngau orang engkani utai gak. Pia mega minggu tok rabat ba rumah panjai. Kena aki aku udah nadai. Nadai kena pagi hari 5. Tekenyit amat, kena gerak sida Jang Beliang. Ninga meh, orang ngetuk pintu urung pukul 1 pagi. Padah apai aku orang nginjin lada. Gak orang sepiak kami, naka ia pemayuh lada. Ia kah luruh udah berapa guni. Kumbai kah orang nginjin lama meh nya tadi bebunyi retuk-retuk. Nemu nya Jang Beliang ngetuk Pintu madah kah tudah udah madai.
Nadai ko ngau meh nya, Takziah ngai sida sebilik. Takziah mega ngagai Deaby Luat, kena aki ia kah udah nadai nya gak.

Minggu ke-7

Nemuai baru ngagai Bintulu kami sida apai ngau indai aku. Ngagai kakak aku. Nemuai kah kali tok aku bisi betemu ngau Jugam ngau Empi. Raun meh kami sebelah bintulu. Gambar bisi ba Empi, ila aku minta ari ia. Nyau majak pendek gamal sida ia. Betemu ngau Jojo meh aku di Park City Mall. Nadai berubah wai. Enda lama, mina dua malam kami din. Terima kasih Empi ngau pemberi nuan nya auk!
Dalam minggu tok, bisi siti cerita Indonesia peda aku. Manah amat peda aku. Aku enda ingatkah tajuk cerita nya, laban kah dalam jaku Indonesia. Enti enda saruku, ‘bula mimit ulih nda?’ baka tok meh tajuk ia enti enda saruku. Umbas ia pemanah peda aku. Rindu amat meda, bala nembiak sekula bercintan-cintun.

Ujung minggu ia bisi petungal aku kah agi sekula pulai ngagai kami. Bendar kami duai ia meda tibi. Mina kah enda dasuh orang makai tb. Maya kah tinduk ajak tb kena tutup. Mayuh macam cerita kah di peda, cerita Indonesia kah mayuh agik laban petungal aku tok ndar kah jiwang. Rindu ia meda orang kah bercinta-cinta. Aku layan ajak ngau ia laban kah nyau nadai nemu utai ka di gaga. Sekumbangkah garing-garing, ngambi gambar kah ba tb nya meh aku.

Laba deh, ujung minggu nya urang ngetas ulit meh. Meda TB meh…

Minggu ke-8

Pei, lembau amat ka pulai KULIAH baru. Agi belala diau ba rumah. Hari 5, 4hb 7 mupuk neh aku bekejang pulai ngagai UTHM.
YEAH .. final year dah aku. Nadai entu lama agik diau menua orang.