Memeng

Suba kami bisi mayau, memeng nama ia. Mayau siam. Siapa enda empu, enda ingat agik aku. Laban nama ka diri ngagai kami. Pulai kami ke rumah panjai, nadai agik diau Saratok, lalu bai kami. Nya ka nyadi lalu dempu kami. Gayu gak memengnya suba, kada enda semak 10 tahun ia enggau kami. Maya aku ka agik belajar ba Labuan, ia nadai. Nya pan nda tanti aku pulai, seminggu agik sebedau aku ka cuti.

Sinu amat kah mayau nya suba. Maya agik di Saratok, kami makai. Ninga nyau kaus-kaus ia inggar. Sekali malik, meda ia belaban ngau ular. Enti ia enda bebunyi, namai meh nemu bisi ular tama bilik dapur. Nasib gak tak mina ular hijau nya, ular rumput kini. 

Diatok aku nupi mayau baru, beri aku nama memeng. Laban Sama mayau siam. Tang enda sama ka mak, memeng ka lama suba, kaki burak, engi aku tok kaki celum. Stokin ia celum.

Memeng tok meh enggau aku belaya, sekumbang dua kumbang tok. Enggau aku berandau. Kia aku kia gak ia. Enti ke dapur, dulu ia belanda. Ka amat diau ba bakul ia tok. Nya gari enda ulih teju lama ba bakal. Abis lekat laban bulu ia ila. Nyau baka mensia dah ia ditu, ngau aku berandau. Mina ia enda nemu nyaut aku.

Tok gambar dambi aku sebedau ia mupuk bejalai sarinya. Runggu mua ia. Engka nemu kena tinggal. Pagi aku ka mupuk, semadi ia ka pansut. Semadi nyau tanggung aku keluar. Sinu kah ia.

Maya aku bisi dirumah, nadai temu tungga gak ia. Bejegau. hahah

regards from Memeng, ;)