Anang Tusah Ati

Ensanus siku kaban aku message aku, benung aku ka lakak-lakak meda tv. Munyi message ia baka tok;

"Apo kaban, kaban aku kahwin, tak enda nganga kah aku."

"Nadai nya ngasuh tusah ati dah, ukai nya tak badu bekaban seduai dah. Engka bajet mimit meh nya, mina ngangau diri sebala aja meh nya" Ko aku gak nyaut ia, (Sama ngena message gak tok tadi)

"Engka meh kini, meda orang bukai bisi kangau" Ko ia gak agik ..

Ujung aku nyau enda nemu nyaut nya. Tang ba runding aku nadai gak nya nyadi ka penaggul. Aku pan bisi nemu, enggau bulih utai bakanya. Bala bakih ka bukai kangau, aku enda. Engka laban aku kaban jauh meh nya kini. Tang nadai meh kitai enda bekaban. Utai bakanya nyamai di runding enti ba aku. Jemah ila, nama kitai kahwin, kitai gak anang ngangau ka ia (Sema kah ka bebalas). Nama kitai ka bisi diberi orang kad, anang enda nulung. Ukai gak ka minta balas, tang ka basa. Laban kitai sigi idup tinggi enggau basa, tinggi engga adat. enda pia ia.

Mayuh bala kaban belayan kawin kah ujung tahun tok. Ka ulih ku datai sigi aku datai, ka enda minta ampun ari leka sampai ke betelesak. Ngagai sapa ka kahwin, meri congratulations ngagai kita, arap mujur segulai sejalai, betampung ke pengidup. 

Its Monday peoples!

then ...

Lama udah aku nadai nyenguk ngagai blog aku ditu. Mayuh gak gambar dambi, ka di gaga ka cerita, taip ba blog, nyau nadai ari gak nama udah datai rumah. Nyau rindang pengawa bukai. Ujung-ujung nyau bari gak gambar ka di ambi, ti ka jadi ka cerita bala ensera.

Nguji kah malam lagi, duduk dedugau, diau rumah. Nasib gak pagila premisi. Tajapan pan sari, pama meh, ulih kah kena dani laun. Ukai enda, naka pemuruk mata aku seminggu tok. Engka laban liri kelalu cukup tinduk lebuh premisi raya sarinya kini. Di rumah sarinya ukai nya aku dani laun, nama udah pukul 630am sigi udah start radio (waifm), mak enggau dadi rauh-rauh. Tang gak tumu tinduk, pukul 9 kadang-kadang udah tinduk.

premisi 3 ari tok, diau ditu aku. Nadai pulai ke menua. Baru pulai sarinya, bedau seminggu, pama diri gak deriba, pedis rekung bai deriba. Pulai raya sarinya ukai enda, enda kala-kala aku pedis belakang bai deriba, pulai ka serak tok pedis belakang. Suba maya kah bedau nemu deriba, selalu madah, "Lelak amat gak deribo Di', nyeah dah diatok, baru ngasai. Amat lelak.

Untung pulai menua serak tok tadi, laban bisi nemu buah. Lama amat udah aku nganti buah engkala. Bisi pulai sarinya, pama meh kena mantup kah tenguk. Engi kami ba kebun, bisi bebuah, tang gak udah dibunuh dadi pun engkala. Laban ka ka ti tiris ia tanah langkau nya. Tambah mega, nadai orang ka niki. Bala kami ukai ka nulung niki. Engka laban enggai makai buah engkala kini. Nyau nanam ka dempa bala burung. Tang manah gak pun buah engkala nya bisi, bisi ka ngayung undur nya dia. Tang nya meh ngacau pengawa dadi.

Mayuh amat gak pengawa dadi, nya nama aku pulai, sigi tak full diri gak hari aku ka di menua. Enda ibuh aku susun, sigi tak penuh kediri nama pengawa di gaga. Pulai kitu baru (Kuching) ukai nya tembu pengawa ba menua, agik mekang-mekang. Nya meh, rindu gak sepi aku. Nama tak pengawa, begulai enggau tanah lantang asai ngaga pengawa. Tajapan lelak, asil ia peda nuan. Nadai gak tak mesai ni pengawa, tang tak sigi rindu bekisuk-kisuk sebelah nya tanah, sebelah langkau enggau dadi.

mupuk dulu aku, bisi ari malam lagi, aku nampung panjai baru. Bekenang ka pejalai pengidup.
 

Let's Start

Pagila start aku cuti, yeahh pulai menua. Seminggu aku cuti. ;)

For those, ka celebrate Raya, I wishing you all, Selamat Hari Raya Aidilfiri!!

Best Regards,
My Family & I

keep waiting

Dadi selalu madah, giga peluang ti bisi, ambi maya ka bisi mansa. I'm keep waiting, and keep looking for another (huge) opportunity.

amen,

Pengidup Lansaka Runding

Hooha, baca tok dulu,

lawa mih dunya kemaia dia,
sema ko jaku Janang Ensiring,
Dunya tu Panggau Pengelulu,
kin kia ngembuan daya kediri empu.

bisi sehari nya aku bejalai,
ngelawa palan urang rindu bejalai lemai,
Taman Sahabat penatai diambat,
ngumban ati aku badu beraie.

bula mega tuchum tu enda reraie,
buta mata tu nyema diri nadai nyida,
umur berubah penemu betambah,
runding ngejang dunya mansang.

runsing pikir ngenang dunya,
kemaiatu bebela landik udu maju,
pemansang meransang nuju pengidup,
diri mega ngiga jalai beridup.

ba palan simpang pengidup,
kala diri tu teterap lalu tetungkam,
labuh senentang penguji ngelungkup,
ngelaban dalam petang tegayam.

tanya melilih lebih ari saut,
sesedan diri deka nyaut,
kelalu mayuh leka nyeruga nanya,
ka nemu kuing ke patut endur bedaya.

pemayuh runding merinsa ati,
ka lebu mina angat sekali negu,
ka untung mina sekarung,
tang rugi lebih seguni.

dini ati enda tasah,
didi ati enda ngeransi,
tunga kiba ga salah,
tunga kana ngasuh bebadi.

ingin ati kuing kiba,
utai merindang ngasuh tebelenga,
gelumbang penguji mayuh nguji,
meseti dikembuan kering ati.

bintang berintai ba langit mingkai,
pegari manchar ayuk aku bejalai,
nujah jalai penuh duri munti,
pajak bakanya ngemudi diri.

simpang pengidup mayuh cabang,
bisi paya bisi tebiang,
iya ka paya dulu merinsa,
dudi baru teulihka penyenang,
iya ka tebiang nya dulu lantang,
tang nesal ba hari ila.

ah dih tusut mih runding,
buai mih ati kaju kaja,
nempuh penguji datai nuntung,
bepenemu, pintar idup, diri menyana.

Ngelansa Buah Runding :
buah runding dipeda ari karang kaban sebuat,
tak rindu ninga munyi tusun leka betuat,
kaban digela Fabian Halley Pata,
urang Saratok jelan gamal tampak rita.

Nemu enda, nemu enda meh aku enggau leka jako kaban aku tok. Nangkap enda nangkap enda meh aku. Tang rindu ati maca. Endar semampai nemuai ngagai blog kaban aku tok aku, rindu macha leko jaku ia. Engka laban penatai menua nadai jauh, bunyi pan agi sama. Tau endar gak gaga kah leka lagu, ;).

Tok blog kaban aku nya, Erwinner Elsy Entring ,

Peturun Apai BuahKenang,
nadai pengelandik bejawang,
ukai mega manang begaga ka sakang,
mina leka aku ditela dikarang,
ka pengingat bekau tudah nyingkang.

Nya pantun ia, semampai buah leka jako ia, ba pengujung blog ia. Ba, nama kita bisi ari ngelawa blog ia. hooha ....

regards,