MY 1st RESIGNATION

Enda berasai, nyau 5 bulan udah tahun tok nyepuhkah diri begulai ngau kitai semua. Tahun Rimau, tahun rimau ngiga pemakai. Nyau semak kah 5 bulan aku gawa enggau Petra, tok pengujung ia.

IM RESIGNING FROM MY POSITION AS A ** AT **** EFFEVTIVE 20th May 2010 (1 week notice).

Nyau asai kah pansut ari mulut baya udah diatok, ndai ngaga kerja ti memaksa kitai push diri empu baka tok. Sinu asai ati ka ninga bala staf dia, tang nadai pilihan. Perlu pikirkan masa depan diri aku empu mega. Rugi-rugi aku belajar empat tahun mechanical. [Arap kah tok the right choice that i have made]

Tambah mega ngau udah datai seru ia, nda ko bala kaban aku. Udah datai seru meh nya, nyau enda alah di tat kah agik. Aku tok lembau amat ka ngaga kerja report-report baka kah gaga aku diatok. Nyau maku asai untak aku, meda siti-meda siti. Laban untak udah di caj ngau mekanikal. Susah endar ka set pulai baru.

Lama endar jam kena ngeset ia baru. Aku tok ukai nya pintar baka nembiak straight A’s. Mina enggau orang ngeruhkah ia. Nama ngaga pengawa sigi ka bendar aku, ngai alang-alang asai ia. Lain amat asai nama alang-alang. Aku tok ukainya rindu endar kah utai mekanikal-mekanikal tok suba. Labankah nyau udah 4 tahun ninga mechanical aja, nyau lekat. Susah endar gak ngelekat utai bukai.

This is my first job, and this is my 1st resignation. udah tok nemu gaya. Ukai nyau peneka ati ngambi offer gawa. Baca dulu Job description ia dulu. Nama tak ngelekat ba ati asai bunyi baru ngambi offer. Susah amat ka push diri empu ngaga utai ti kitai sigi enda ulih catch-up. Ulih catch-up tang lama, enti utainya perlu jampat. Susah amat asai ia.. susah amat in 30minutes nuan perlu catch-up enggau utai kenya, enti utai nya sigi agi baru ba nuan.

Arapkah udah tok bisi rezeki bukai kah manah agik. Amat ka ngiga gaji lebih, tang ba runding aku, enti kitai sigi enda enjoy ngaga kerja nya, nyau merinsa diri ngaga utai enda temu kitai, gaji besai nama guna. At least, there is little bit space for fun in JOB!

LOOKING FOR A NEW JOB!

Ujung Minggu

 

 

Lama udah enda becerita ditu. Bisi pengawa di gaga tang nyau nadai ari ensera ditu. Nyau nadai entu beambi ka gambar bejalai. Maya ka rajin nekan kah kamera hp gak. Maya kah enda, peda kenya aja meh.

Tepantup asai belelak minggu tok, laban kah nadai kerja hari 6. Laun belama dani 2 ari tok (hari 6 enggau 7). Hari 6 keluar seari-ari nadai diau rumah. Ndai endar gak pengawa, mina gak meda wayang. Meda Iron Man 2 enggau Joseph.

Aku pun pelik, keni enda company wayang tok. Engka nadai maintenance sida ia panggung. Bayangkan ari baru buka suba, sampai diatok enti nadai maintenance sida ia, berapa mayuh udah untung. At least sida nukar ngagai ka baru kerusi. Nya nyau carik-carik agik kerusi. Naka ia [!]

Sebedau nya betemu enggau Deaby. Apoo amat lama aku enda betemu enggau ia. Naka Reunion kami ba Saratok menya ka betemu. Nya nyau baru betemu diatok. Congratulation Deaby & Joseph (Konvo seduai ia ujung bulan tok). Nya ia kah mai betemu, nyau udah Gawai ila baru ulih betemu ko ia. Ni kaban bukai di Bintulu, nadai ka betemu?

Nyau enda berasai agik ka Gawai. Ransing asai ati ka kemisi Gawai. Nama program Gawai tok kini?

Tebal seinci

 

Mayuh amat kerja seminggu-minggu tok tadi. Salah diri empu gak, laban nyau majak lembau tulang. laban bisi nginti ikan kebukai, enti tekait ba sintak ai ke bukai sigi ngebu kah diri meh tok. Pama gak, bisi gak udah tembu pengawa. Hari satu ila mina tak nganjung aja. Nyau enda tekabir agik asai. Tang bisi gak maya kah nadai pengawa nyau tekang ngitung jam ka pulai gak agik. Merinsa amat asai nganti kah pukul 6.

Tadi ninga bala kah berandau, boss madah nama nadai performance ka buai urang. Manah nginti ke bukai sebedau kena kebu orang. Nyau takut gak ninga nya, laban diatok nyau udah start bebayar kah PTPTN nyau irau gak ati enti nadai kerja. Ndai duit kena mayar PTPTN. Enda bayar betambah gak hutang. Nyau lebih ari ka pinjau. Jako pinjau, bayar naka pemayuh.

Enti kena buai orang, enda gak entu irau ati. [tajapan naka pengirau ati]. Ukai lalu nadai pengawa agik. Sebarang pengawa meh, baka kah tok, sebarang pengawa meh. nya dasuh orang nya gak gaga. Janji bisi gasi. Try my best lah tok ngaga kerja. I need time to learn. Im not a smart student. Cukup udah datai ngagai naka kah diatok.

Enti kena buai orang engka terus ngau plan B aku. Sambung master. 2 tahun gak nya, nyau majak tuai gak agik aku. Hishg, entah lah .. arap nadai apa-apa. Nadai kena buai. Enti tak badu ditu, badu ngau manah. Ukai badu kena buai, amen.

Tusah ndar gak bisi boss ka ‘nyual ikan’. Ngelara orang nemu, ukai main-main agik ngelara orang. Nama nadai pengawa, sigi lalu lara ia meh, padah ia free. Padahal kerja sigi udah tembu. Enda patut gak nyau ngaga utai bula. Laban kah ngaga report, kadang-kadang ndai pengawa gak aku sari 2 maya kah udah tembu. Nama aku sibuk nyau nulung orang. Sigi lalu di perening ia meh, engka kumbai ia enda kerja. pei, susah lalu. Nyau tebal gak asai pending diatok. Tebal mimit, seinci aja kini.

Fully 3 Months

Masuk bulan 4 udah diatok. Nyau enda berasai Tahun tok. Kelut-kelut berundang kah jalai, nyau bulan empat udah diatok. Aku pan nyau udah 3 bulan start gawa.

Nya ia asai ngulih ka duit kediri. Sebedau tok nyamai amat asai minta. Nadai minta, call gak orang lagi ‘Duit udah di bank-in’ gaga ati. Diatok, nadai agik jako pinta bank-in. Nyau bendar meh ngeyadi, ngelimat kah diri empu.

Tang nyamai gak. Uleh ber-diet gak asai ia. Nemu ngelimat duit ari bebeli kah utai dempa kah enda menuku. Ti nambah kla lemak. Ngelimat duit kena meli minyak. Nyawa ulih tagang, minyak kereta susah mimit ka tagang, laban bagas amat bejegau. Bejegau maya kah betul, tau nadai mansut kah duit. Nyual mata sebelah kedai cina.

Alang-alang cuti ari 5 tok. Hari 6 ila gawa gak baru. Nya gak penangul nama cuti hari 5. mekang-mekang ari ka cuti. Ka minta cuti lembau gak. Agik sayau kah kemisi, ngai ka ndai kena Gawai. Gawai ka ngambi lama agik, kenu ko jako. (Nya ia bulih)

Datai hari 6 ndai gak pengawa aku. Utai kah gaga nyau udah tembu. tak ngiruh asai datai ari 6. Aku pan enda nemu, kadang-kadang bagas amat asai datai gawa pagi. Bisi gak maya nyau lepi, lemi tulang asai ka nurun gawa pagi. Diatok begiga endur bukai gak aku gawa, benung edit bala resume. Nyau enda alah sepi aku ba endur aku kah diatok. Nyau tepaksa amat asai aku ngaga kerja. Laban aku sigi orang kah ngai begaga kah full report kenya. Nyau terpkasa amat asai.

Maya kah agik sekula suba kenya gak. Sigi aku enda rindu subject design-design. Maya final year project tegaga kah project design gak aku. nasib enda fail. Jai endar enda gak result. Maya sekula menya sigi inti ndar aku begaga ka report tok. Lebih agik full report. Nya aku maya kerja projek bergroup sigi rindu amat aku offer diri ngau orang ngaga kerja. Report orang bukai handle. Lembau amat aku ngurus-ngurus hal report. Rindu agik aku ngaga kerja, masuk lab, masuk bengkel. Report semadi nyau nadai orang. Presentation pan aku ndai entu problem. Nama hal report sigi bebulu asai aku ninga.

Nyeah diatok, lapa enda agik ngaga report. Hari-hari aku nunga report. Nyau enda alah gaga gik sema ko jako. Nya bala kaban aku madah, ‘manah nuan rindu kah semua utai. nama utai enda dikerindu nuan, sigi utai nya terpaksa gaga nuan’. Amat gak bunyi jako sida nya. Enda rindu subject design, Design gak final year project aku. Enda rindu ngaga report, lapa maya kerja tekang report gaga aku.

Minggu baru 3 bulan meh aku dalam jawatan aku. Bisi enda kini gaji niki. Besampi kah gaji niki meh tok. Nama nadai niki, sigi enda kisuk-kisuk meh aku ngebukah diri ila, nama bulih offer bukai. Enda tan endar asai aku, kerja ari pukul 7pagi ngai 6 lemai. hari satu ngai hari 6. Mina hari minggu aja ba rumah. Kadang-kadang nyau nadai diau rumah gak hari minggu. Nyau ka diau ngau diri sebilik gak asai. udah gak suba sigi jauh ari apai indai. Diatok nyau enda sama agik asai. Enda baka suba. Nyau bisi ka diau rumah, semak apai indai. Udah bansi kah suba, berapa tahun udah jauh. Indai indai nyau majak tuai gak. Arap-arap gaji bisi niki, lebih mimit gak beri ngagai apai indai enti bisi niki.

HAPPY EASTER TO ALL CHRISTIAN

I’m coming back.

Nama Berita?

Lama amat udah aku nadai update blog aku tok. Ukai lembau, tang nyau ndai berita. Bisi kah semak 4 bulan ndai update. Nyau ndai pengawa, nyau nadai utai tusui gak aku ditu. Udah tok ila, engka nyau bisi utai ulih di kongsi sama.

Tahun baru start baru gak diatok. Nyau enda berasai. Ndar start tahun baru tok, 2010 sigi nadai update blog tok lalu meh aku. Lembau amat ka update, nyau nadai utai ka kongsi. Tambah mega susah amat line internet suba. Nyau nyau gawa, bisi line, nyau nadai entu ari gak ka update. Segau-segau jarang gak mai kamera diatok. Ukai enggai, kadang-kadang tau enda ingat. Nyau setengah udah jalai baru ingat. ‘apooo, kamera enda ingat bai’ Kamera pan nyau apek, nganti bisi loi lebih, baru nganti ka manah agik. Ngai gak bejanji. Tang ka update mayuh agik.

:I’m coming back . . .